CHAPTER 75
“Leigh! Diyos ko! Leigh!” ninenerbiyos na sigaw ni Nicole sa likod ni Klein.
Binuhat ni Klein si Leigh at pinahiga niya sa sofa. Agad namang isinara ni Nicole ang pinto nang makita niyang may nakasilip na ibang lahi sa kanila. Dali-dali siyang kumuha ng tubig habang masuyong pinunasan ni Klein ang mukha ni Leigh.
Pinainom ni Nicole ng tubig ang noon ay umiiyak lang na si Leigh. Paulit-ulit nitong sinasabi na sa wakas nakatakas siya. Salamat sa Diyos at tinulungan siyang makatakas.
“Leigh, anong nangyari sa’yo? Bakit puno ka ng buhangin?” tanong ni Nicole nang nakahiga siya sa kandungan ni Klein at umiiyak hawak ang bisig ng kanyang mahal.
“Tumakas ako.”
“Oh my God, Leigh! Mabuti at hindi ka lalong napahamak? Paano mo nagawang makatakas?”
“Alam kong mali, a
