Chapter Fifty Two
SANYA
ALAS dos y medya nang ihatid ako ni Mon sa bahay.
Nang makarating kami sa bahay ay naikwento sa akin ni Mon na ba-byahe na pala patungong Maynila si nanay Sabel mamayang alas tres dahil nagkasakit daw si ate Rhea at walang mag aalaga sa mga apo niya dahil naghahanap buhay rin ang asawa nito.
Kaya mabilis din siyang umuwi para ihatid sa bus terminal si nanay Sabel.
Sana ay hinintay ko na lang din siya nang sa gano'n ay nakapagpaalam din ako.
Masipag at mabait kasi ang nanay ni Mon at noong napapadalas ako sa bahay nila ay maganda ang ipinakita niya sa akin.
Nagpaalam na rin ang mokong at nadatnan ko naman ang kapatid kong busangot ang mukha dahil siguro iniwan ko siya kanina sa panciteria.
Humingi naman ako ng tawad at nagkaayos naman kami.
Kinuwento ko sa
