------
***Third Person's POV***
-
Ayaw ni Lhea ang umiyak. Lalo na sa ganitong araw—ang araw ng kasal nila ni Elixir. Ngunit habang unti-unti siyang naglalakad sa aisle, nakakapit sa braso ng kanyang daddy, at nakatitig sa lalaking matagal nang laman ng puso’t isipan niya—hindi niya mapigilan ang pagtulo ng kanyang mga luha.
Nandoon si Elixir. Nakatingin sa kanya. Nakatayo sa harap ng altar, suot ang itim na suit na lalong nagpatingkad sa likas nitong tikas at kaakit-akit na hitsura. Para siyang nawalan ng hininga. Parang isang panaginip ang lahat ng ito—isang panaginip na ngayon ay nagiging totoo.
Ito ang pangarap niya. Simula pa noon. Mula pa sa mga simpleng imahinasyon ng isang batang babae na umasa’t naniwalang balang araw ay ikakasal siya sa kanyang prince charming. At simula pag
