--------
***Lhea’s POV***
-
Magkahawak-kamay kami ni Alexander habang bumababa ng sasakyan sa tapat ng grand ballroom ng Cebu Sunrise Hotel. Ramdam ko ang malamig na simoy ng hangin—pero mas malamig ang palad kong bahagyang nanginginig sa kaba. Ewan ko kung bakit ako kinakabahan, gayong sanay naman akong dumalo sa mga ganitong party noong nasa ibang bansa pa ako.
Alam kong naramdaman ni Alexander ang kaba ko, kaya mas hinigpitan niya ang hawak sa kamay ko—saka siya bumulong sa akin. “Everything will be fine. I am here.”
Pagpasok namin sa venue, agad kong naramdaman ang mga matang nakatuon sa amin. Mga kilalang personalidad sa mundo ng negosyo; pamilyar ang ilang mukha mula sa business magazines at news features. May mga bulungan. May mga mapanuring tingin. Pero tahimik lang si Alexand
