"RICKY, may gusto akong itanong sa iyo. Tungkol doon sa sinabi mo noong nasa Blue Fantasy Island tayo," simula ni Gray hindi pa man sila nakakaupo.
May mga katanungan sa isip niya na nais niyang makuha ang kasagutan buhat sa kaniyang ama matapos ang mga sinabi nito tungkol sa pagpapakasal nito kaya Emerald pero para sa kaniya, mas mahalaga ang magiging sagot ni Ricky sa magiging katanungan niya kaugnay sa mga sinabi ni Emerald. Kaya naman pinilit niya itong makipagkita sa kaniya nang makausap niya kahapon sa cellphone, at ngayon nga ay naroon sila sa isang native restaurant with mountain view sa kanilang lalawigan.
Kita niya ang pagbuntong-hininga nito na dahilan para pasimple niyang makamot ang kaniyang ulo.
Bakit ba ganoon kaagad ang bungad niya imbes na kumustahin muna ito?
Namataya
