Years later...
“WHERE have you been?”
Hindi nagmaliw ang magandang pakiramdam ni Laureen sa kabila ng malamig na paninita ni Raphael sa kanya. Nadatnan niya ito sa compact bar na nasa malapit sa living room ng bahay nila. Hindi niya masabi kung hinihintay siya nito o hindi.
“Reunion party,” nakangiting tugon niya.
Saglit na natigilan ito, kapagkuwan ay pinagmasdan nito ang kabuuan niya. Nagsalubong ang mga kilay nito. Hindi marahil ito sanay na nakaayos siya nang ganoon. Siniguro talaga niyang magiging napakaganda niya sa high school reunion nila.
Nakakasalamuha niya paminsan-minsan sa mga pagtitipon si Julia. Noon pa man ay sikat na ito dahil sa pagiging fashionista, maganda, at mayaman nito. Nakapangasawa ito ng isang napakayamang lalaki. Julia was now a famous fashion icon and soci
