UMAGA pa lang ay tila pagod na pagod na si Laureen. Maraming trabaho sa araw na iyon ngunit hindi ang trabaho ang dahilan ng matinding pagod niya. She knew it was psychological. Mabigat lamang sa pakiramdam ang working environment niya.
Halos dalawang linggo na silang hindi gaanong nagpapansinan ni Raphael. Kung hindi tungkol sa trabaho ay hindi sila nag-uusap. Pormal na pormal ang pakikitungo nito sa kanya. Ganoon din siya rito. Sinisikap niyang gawin nang mahusay ang mga trabaho niya sa kabila ng lahat. Nakakapagod lamang siyang magtrabaho sa ganoong sitwasyon.
Noong una ay inisip niyang maigi na rin ang ganoon. Hindi na nila dapat sinubukan na maging magkaibigan sa una pa lang. Dapat ay nanatili na lamang sila bilang amo at sekretarya. Ngunit habang lumilipas ang mga araw ay lalo siy
