"Pumila po tayo ng maayos." Nakikiusap na ani ko sa mga kabarangay. Kaso parang hindi marunong makinig ang mga ito. Nagtutulakan at nagsisingitan pa.
"Itigil muna ang bigayan hanggat hindi sila umaayos." Si Ate Claire na salubong na ang kilay. Iyon nga ang ginawa namin.
"Bakit ang tagal n'yong magbigay? Tax naman namin iyang pinamili n'yo n'yan." Reklamo ni Aling Dorety.
"Nakikiusap po kaming ayusin natin ang pila. Para mapabilis ho tayo. Daig pa natin ang hindi makaunawa eh." Kanina ay may matanda nang nangudngod dahil sa tulakan. Napipikon na si Ate Claire.
"Bigyan n'yo na kami!" demanding na utos ng mga tao.
"Ano pong problema natin dito?" magiliw na tanong ni Mayor nang lumapit ito. Tiyak na nakita nito ang kumosyon.
"Iyan kasing mga tauhan mo, Mayor, ayaw kaming bigyan." S
