Maaga akong nagtungo sa bahay ni Kali. Ewan ko ba kung anong mayroon ngayon at bakit naisipan kong magtungo ng maaga kahit wala pa namang pasok.
Bukas ang gate kaya ipinasok ko na ang motor ko. Bukas din ang pinto kaya nang maiparada ang motor nang maayos ay nagtao po lang ako saka marahang itinulak ang pinto.
May naririnig akong umiiyak. Alam kong si Kali iyon kaya naman dali-daling pumasok ako at hinanap ito sa kabahayan.
"Kali?" tawag ko rito. Narating ko ang kusina, sa isang pinto pa ay muli kong narinig ang paghikbi. Tiyak akong banyo iyon.
Kaya naman humakbang ako roon at kumatok. Ngunit hindi man lang nagsalita or kung ano man si Kali. Patuloy itong umiiyak. Hindi ko alam kung saan ko kinuha ang lakas ng loob na itulak nang marahan pinto.
Tumambad sa akin si Kali na nakasa
