"Ate Claire, bakit ginawa iyon ni Winona?" stress na tanong ko kay Ate Claire. Kanina pa ito natatawa. Narito na kami sa silid ko, palakad-lakad ako habang ito ay nakahiga sa kama.
Hindi ko na naituloy ang pagkain ko dahil sa labis na stress.
"Deserve naman kasi ng malditang iyon."
"Pero mali pa rin iyon, Ate."
"Hay, ganda! Huwag mong ini-stress ang sarili mo." Tatawa-tawang ani nito."Kumain ka na para naman mawala ang stress mo." Nanlulumong naupo ako sa couch.
Dinampot ko ang juice at tinikman iyon. Para tuloy walang lasa dahil sa stress na nararamdaman ko. Ano na kayang nangyari sa labas? Baka nagkakagulo na dahil sa kalokohan ng pinsan kong iyon.
"Ate, try mo kayang lumabas. Tapos alamin mo kung ano ang nangyari." Nakikiusap na ani ko rito. Waring nag-isip pa ito bago tumayo
