"May mga kailangan ka ba sa school na hindi pa nasasabi ni Ate Claire mo?" tanong ni Papa. Palabas na kami patungo sa garahe.
"Wala pa naman po. Tatawag na lang po ako kapag may kailangan ako."
"Oh s'ya, ayaw mo ba talagang sumabay?" tanong nito sa akin.
"Dito muna po ako. Ayaw ko pong pumasok ng sobrang aga." May meeting ito at kailangan na nitong umalis. Nabilinan na nito ang isang driver na ihatid ako mamaya, si Ate Claire ay sumakay na rin sa sasakyan. Si Kuya Sanjo ang driver nila.
Kumaway pa ako rito nang sumakay na ito sa backseat. Tatambay na lang muna ako sa sala ng mansion. Hindi ko rin naman kayang magtungo sa silid na nakalaan para sa akin sa bahay na ito.
Lalo't wala si Mayor. Baka mamaya ay may mawala at mapagbintangan pa ako.
"You're here." Seryosong ani ng ginang
