"Ako na lang ang bahala sa gastos." Napasimangot ako sa sinabi ni Agassi nang makabalik kami sa classroom. Nauna pa kami kaysa kina Dianel na dadaan daw muna sa library.
"No." Tipid na sagot ko rito.
"Kailangan sumama ka!" giit nito.
"Agassi, wala si Mama. Namasukan s'ya, hindi pwedeng magdesisyon ako na ako lang. Kailangan kong hingiin ang opinion ng nanay ko, opinion ng tatay ko. Hindi ako tulad n'yo na kahit ngayon ay pwede nang magbayad sa mga fees na kailangan bayaran."
"Tsk, Farrah naman, pinakitaan mo ng black card iyong mga tao sa cafeteria, sino kayang maniniwala na hindi mo kayang bayaran ang fees?"
"Sasama ako. Ipagpapaalam kita sa Papa mo."
Sinamaan ko ito ng tingin.
"Oh, bakit? Tutulungan na nga kitang magpaalam eh. Saka kapag wala ka sa tabi ko, tiyak na dudumugin
