"Bakit hindi ka na lang mag-stay sa Papa mo?" tanong nito sa akin. Iyon iyong tanong na minsan ko na ring naitanong sa sarili ko. Bakit nga ba hindi?
"Kasi ayaw kong iwan si Mama." Oo, iyon palagi ang sagot na pumapasok sa utak ko kapag napapatanong ako sa sarili ko."Iyon ang masakit, gustong-gusto ko s'yang kasama, pero s'ya rin ang nagtutulak sa akin palayo." Malungkot na tugon ko rito.
"Pero hindi na healthy ang ginagawa ng Mama mo sa 'yo." Halatang na stress din ito. Ano na kaya ang iniisip ni Agassi about my mother? Mababa na ba ang tingin nito kay Mama kasi gano'n ang gawain ni Mama? Nalungkot ako, gusto kong maging maayos ang buhay namin ni Mama. Pero sa ginagawa nito ay waring hindi lang sarili n'ya ang hinihila n'ya pababa, ako rin kasama n'ya na nilulugmok n'ya sa putikan.
