"Paano ba 'yan, ihatid ka na namin." Offer ni Kurt.
"Hindi na. May susundo sa akin." Tangi ko sa mga ito. Halata naman concern lang sila kaya hindi pa umaalis. Plano ko sanang lumabas na ng school tapos hintayin na lang sa kanto si Ate Claire. Kaso itong mga lalaking ito ay ayaw akong iwan.
"Alis na kayo, may kukunin pa ako sa library!" kumaway ako sa mga ito saka hindi na hinintay pa ang komento nila.
Bumalik ako sa gusali, hinihintay sa isang gilid na lumabas sa parking lot ang motor ng mga ito. Nang makita kong umalis na sila ay saka lang ako nakahinga ng maluwag.
Nang makatanggap ako ng tawag kay Ate Claire ay agad kong sinagot.
"Ganda, papasok na kami sa entrance. Labas ka na!"
"Po?" gulat na ani ko. Paano na lang kung may ibang makakita sa amin? Sa akin na sasakay sa maga
