"Nalaman ni Mayor na nag-uwi na si Mama ng lalaki sa bahay. Kinuha n'ya ako kagabi. Tapos kaninang umaga dumating si Mama sa bahay ni Mayor."
"Kaya ka umalis na nakapantulog pa?" angat ang kilay na ani nito. Mabilis naman akong tumango. Iyon naman kasi talaga ang totoo.
"Tara na!" ano pa nga ba? Kahit ayaw kong umuwi ay kailangan ko pa ring umuwi. Ayaw ko kasing maging pabigat pa lalo sa kanina.
Inihatid ako nito sa bahay ni Mayor. Hindi na ito pumasok pa dahil sabi nito ay mas mabuting kausapin ko na ang magulang ko.
Pagdating ko sa loob ay naroon pa rin si Mama, si Mayor, si Ate Claire at si Lola.
"Kung sasabihin mo na naman, Lola, na hindi ako nababagay rito... don't worry po, aalis din po ako rito pagkatapos naming mag-usap ng magulang ko." Napasinghap ang matanda sa sinabi ko
