Kakarating lang namin sa Manila at agad akong humiwalay sa kanila. Pumunta agad ako sa condo dahil marami akong trabahong naiwan and for sure tambak na iyon. Alam ko naman kasi na may mga bagay na ayaw galawin o pakialaman ni Marga lalo na sa mga event. Titignan niya kung kailan at kung kaya ba ng team na gawin. Ganoon din sa bar.
Pag-apak pa lang ng paa ko sa lobby ng condo ay napansin ko na ang kakaibang tingin at ngiti ng mga nagtatrabaho rito. Weird dahil ni minsan ‘di ko sila nakitang ganoon towards me.
"Hi! Long-time no see, ma'am." Bati sa akin ng isang janitor na naraanan ko.
Nginitian ko na lang siya dahil wala rin naman akong sasabihin. Ayoko ring makipag-usap dahil pagod ako. Isasara ko sana ang elevator nang may babaeng tumatakbo papalapit sa gawi ko kaya hinintay k
