CLYDE POV
Seryoso akong nakatayo sa gilid ng plaza, nakatitig sa malayo. May kakaibang pakiramdam akong hindi ko maipaliwanag. Hindi ko alam kung bakit pero pakiramdam ko may sumusunod sa akin. Kanina pa ako pa-simple ring lumilingon—minsan sa paligid, minsan sa mga anino sa gilid ng ilaw poste. At sa bawat lingon ko… wala.
Pero may pakiramdam akong hindi ako nag-iisa.
Nilingon ko ang fishball stand kung saan naiwan si Marlon, ang kuya ni Reina. Nakatayo na siya, parang may balak lumapit sa akin. Napailing ako. Kung alam lang ng lalaking ‘yon na ang daming gumugulo sa isip ko.
Kilala ko ang ganyang kilos. May hinahanap siya.
Ako? Hinahanap ko si Reina.
Teka—bakit nga ba?
Hindi ko rin alam. Ang kulit lang. Nagtalo kami kanina, ang taray niya, parang hindi babae kung makapagsalita. Pe
