Ilang araw na ang nakakalipas na gabi na kung umuwi si Aiden. Alam niyang busy ito sa kompanya nito dahil dalawang linggo na lang ay anniversary na ng kompanya nito. Busy ito sa paghahanda para sa nalalapit na event. Gusto kasi ng binata na matuonan ng pansin ang dadating na selebrasyon dahil isang beses lang sa isang taon nangyayari ‘yon.
Minsan nang dinalhan ni Apple ang binata ng tanghalian nito sa opisina dahil nag-aalala siya na baka hindi ito kumakain sa tamang oras dahil sa sobrang pagka-busy nito, pero hindi niya pa din nakita ang binata dahil may pinuntahan itong importanteng kliyente. Hindi na din niya pinatawagan kay Karen dahil ayaw niyang makaistorbo sa trabaho sa binata.
May isang beses na halos buong maghapon niya itong hinintay para makita man lang ito dahil sa tuwing umu
