“Where are you?” tanong ni Noah kay Apple nang sagutin niya ang tawag nito. “Nandito ako sa bahay niyo ngayon, pero ang sabi ng mama mo ay umalis ka daw kasama si Angelo at Dylan.” Napatingin siya kay Angelo na masarap ang tulog habang nasa likod ng sasakyan. “Wait, bakit hindi mo sinabi sa akin na nagkita na pala ni Dylan sa event?”
“Sorry kung hindi ko kaagad nasabi sa ‘yo, Noah.” Napahawak siya sa kanyang noo. “Masyado kasing mabilis ang mga pangyayari.” Napabuntong-hininga siya. “Sa ngayon ay sumama kami kay Dylan pabalik ng Maynila. Ipapakilala ko na si Angelo kay Aiden.”
“What? Bakit hindi mo ako sinabihan? Eh, di sana ako na ang sumama sa inyo.”
Muli siyang napabuntong-hininga habang nakatingin sa anak. Wala naman talaga siyang balak na sumama kay Dylan ngayon at hindi ito ang ar
