“Ate, ‘yung lagi kong ibinibilin sayo sa tuwing aalis ako ng bahay, bantayan at alagaan mo si Liam, maliwanag ba?” pagpapaalala ni Christine sa yaya na inatasan niya na laging magbantay at mag-alaga kay Liam. Magkaharap silang nakatayo sa gilid ng living room. “Pakainin mo siya sa tamang oras at patulugin mo tuwing hapon,” dagdag na paalala pa niya.
Napansin ni Christine si Veronica na naglalakad galing sa kusina. Inirapan siya nito. Ginantihan niya rin ito ng irap at nag-smirk saka muling tumingin sa yaya.
“Isa ko pang bilin sayo ay lagi mong ilayo si Liam sa aso. Alam mo naman, mamaya mapag-initan na naman siya at kahulan na lang nito ang anak ko at bigla na lang kagatin,” pagpaparinig pa ni Christine. “Tiyak na matatakot si Liam at ayokong matakot siya, okay?” wika pa niya. Napangiti
