Nililibot ni Christine ang mga mata niya sa lugar kung nasaan siya ngayon. Napakaganda sa lugar na ito at kakikitaan ng pagiging elegante. Pakiramdam nga niya ay hindi siya bagay rito dahil sa suot niya. simpleng white blouse top at skinny jeans lamang ang suot niya. Doll shoes naman na gold ang kulay ang suot niyang panapin sa paa.
Tiningnan ni Christine ang asawa na si Matthew na nakaupo sa kabilang side ng mesa at nasa harapan niya. Nakasuot naman si Matthew ng suit dahil galing ito sa trabaho. Nahuli niya itong nakatitig sa kanya habang nangingiti ang labi. Tumaas ng bahagya ang kanang kilay niya.
“Ano bang meron at dinala mo ako rito?” pagtatanong ni Christine. “Kung sinabi mo lang na sobrang ganda ng pupuntahan natin edi sana nakapagpalit man lang ako ng damit,” sabi pa niya.
Luma
