MABILIS lumipas ang mga araw sa buhay ni Thalia kasama ang mga mahal niya sa buhay. Medyo halata na rin ang baby bump nito na nasa apat na buwan na. Hindi naman nagpapabaya si Radson sa pag-aalaga sa asawa nito. Habang lumilipas ang mga araw ay lalong nagiging mas makulay ang pagsasama nila Thalia at Radson.
"Ayoko niya'n," nakabusangot na reklamo ni Thalia sa dinala ni Radson sa kanya.
Napakamot naman sa ulo si Radson. Problemado na naman kung paano suyuin ang asawa. Lately ay nagiging dramatic na si Thalia sa paglilihi nito. Nauunawaan naman ni Radson ang asawa niya kaya imbes na mapikon siya ay sinusuyo at nilalambing niya ito.
"Hinanap ko pa ito sa supermarket, love. Ang sabi mo 'yong hindi masyadong hinog para maisawsaw mo sa suka," sagot ni Radson dito na mas lalong napabusango
