BUONG byaheng tahimik si Radson na naiisip ang sinaad ng ina nito. Para siyang puputukan ng ugat sa sentido sa mga sandaling ito. Gusto niyang bumalik sa bansa para sagipin ang kapatid niya. Pero alam niyang hindi siya makakatulong doon. Dahil mas kailangan siya ni Thalia dito sa Italy.
"Hubby? Naiinis ka ba sa akin?" nag-aalalang tanong ni Thalia na kanina niya pa napapansing hindi ito umiimik.
Humawak siya sa braso ni Radson. Naluluhang nakatitig sa asawa niyang hindi sumagot. Nakalarawan kasi ang galit sa mga mata ni Radson. At nag-aalala ito na baka nabubwisit na si Radson sa mga request niya dito.
"G-galit ka nga," usal ni Thalia na tumulo ang luha.
Nahimasmasan naman si Radson na marinig nito ang asawa niya. Napalunok pa siya na makitang nakayuko si Thalia at tila umiiyak. Na
