Talia POV
Nagulat ako nang magising at makita ang oras—alas-nuwebe na pala ng umaga. Kaya pala wala na si Kael sa tabi ko. Pakiramdam ko kasi maaga pa lang. Sabagay, hindi mo rin talaga malalaman kung tanghali na dahil sa kapal ng kurtina sa kwarto. Hindi rin pala nag-alarm ang phone ko.
Mabilis akong bumangon. Naghilamos lang ako at nag-toothbrush.
“Ma’am, kain na po,” tawag ni Aling Gina.
Pagtingin ko sa mesa, bigla akong nawalan ng gana. “Sige po, mamaya na lang ako kakain,” sabi ko. “Parang may gusto kasi akong kainin.”
Bigla kong naisip, tinolang manok.
Pumasok ako sa kusina at nagsimulang magluto. Habang hinihiwa ko ang manok, naisip ko, Ipagbaon ko na lang kaya kay Kael.
Habang niluluto ko ang tinola, napansin kong nagkatinginan sina Aling Gina at Rhoda.
Ngumiti ako. “Bakit?
