Kael POV
Tumawag sa akin si Miguel. May initial report na raw siya at may suspected person na silang tinitingnan. Hindi na ako nagpatumpik-tumpik, dumiretso agad ako sa office niya.
Pagdating ko roon, ipinakita niya sa akin ang CCTV footage. Ibang anggulo na, hindi galing sa mismong camera ng CR, pero malinaw na malinaw na doon pa rin nagmula ang tao. Ayon kay Miguel, wala namang ibang pupuntahan ang lalabas doon maliban sa staff o janitor.
Habang pinapanood ko ang footage, nanlaki ang mga mata ko.
Hindi ako makapagsalita.
Si Grace.
Siya ang huling pumasok sa CR bago tuluyang ma-cut ang CCTV footage.
Parang may humampas sa ulo ko.
Bakit?
Bakit si Grace? Kaibigan ni Talia. Pinagkakatiwalaan niya. Pinakamalapit sa kanya sa office.
Hindi ko matanggap. Pero habang mas iniisip ko, mas
