Talia POV
Bakit ba ako nagpapadala sa salita ng isang babaeng may gusto sa asawa ko?
Malinaw naman sa akin na mahal ako ni Kael. At bumabawi na nga siya ngayon, hindi ba?
Pagkatapos naming kumain, dumiretso kami sa isang jewelry shop.
“Pilian mo naman ako ng wedding ring,” malambing na sabi ni Kael.
Napakunot ang noo ko. “Para kanino?” tanong ko.
“Kay Damon at Amara,” sagot niya, may ngiti.
“Ha?” gulat kong sabi. “Papayag ba si Damon na ikaw ang pumili ng wedding ring nila?”
Malakas siyang tumawa. “Well, basta. Sige na, pili ka. Yung the best ha, kahit mahal.”
Sumimangot ako. “Okay, sige,” sagot ko, kahit parang ayokong tanggapin ang hamon.
Nagtingin-tingin ako hanggang may isang simpleng singsing na umakit sa akin. Hindi engrande, hindi flashy, pero may dating. Itinuro ko iyon k
