“LEAVE me alone,” mahinahong sabi ni Glenn.
Nang matiyak na kalmado na ito, minabuti ni Stella na iwan muna si Glenn. Saktong dumating naman si Carlo.
“Bakit?” takang tanong nito nang masalubong niya sa pintuan.
“Uh, mukhang kailangan munang magpalamig ni Glenn. Babalik na lang ako kapag okay na siya,” aniya.
“Sige. Kakausapin ko rin siya.”
“Salamat, Carlo.”
Ngumiti lang ito saka tuluyang pumasok.
Gumala na lamang siya sa ibang pasilidad ng institute. Maraming nabago sa ayos ng mga gamit doon. Mas marami na ang restricted areas, marahil ay dahil nadagdagan ang mga proyekto ng institute. Na-miss niya bigla magtrabaho roon. Kung papalarin na tanggapin siya roon ulit, malaking pabor iyon sa kaniya.
Napadpad siya sa bagong recovery room. May iilang human specimen doon pero natutukan ni
