NAGPAALAM si Stella kay Dr. Laurel na uuwi muna sa bahay nila hanggat nasa Institute pa si Glenn. Pumayag naman ang ginoo at binigyan siya ng isang linggong pahinga.
Hindi na nakausap ni Stella si Fabio nang umalis siya at nagpahatid sa driver papuntang Maynila. Wala pa sa bahay nila ang kaniyang ama pero meron naman siyang susi ng gate at bahay. Naroon na ang mga materyales na gagamitin sa pagpapaayos ng parking lot nila.
Na-miss niya bigla ang kuwarto niya kaya dumiretso siya rito. Maayos ito at malinis, marahil ay inalagaan ng papa niya. Alas singko na ng hapon siya nakarating kaya nagluto na siya ng hapunan. Alam naman ng papa niya na uuwi siya sa araw na iyon. Isang buong manok lang ang laman ng freezer kaya ito ang niluto niya, adobo na merong kamoteng baging na dala niya mula Clar
