KAHIT ano pa man ang negatibong narinig ni Stella tungkol kay Glenn, hindi magbabago ang goal niya. Malaking tulong din na malaman niya ang nakaraan ni Glenn nang alam niya kung paano mag-adjust at gagawin upang mabago ito.
Pagdating sa villa ay nadatnan niya si Glenn na pumapapak ng ubas habang nanonood ng movie sa cellphone ni Carlo. Nasa veranda ito at nakaupo sa bench na may sungay ng usa sa dulo.
“Tagal mo, Noname,” anito, seryoso sa pinapanood.
“Ang dami ko kasing kinuhang gamit,” aniya.
Ipinasok niya sa kuwarto ang mga gamit nila. Naka-lock ang kuwarto ni Fabio kaya no choice kundi iisang kuwarto lang sila ni Glenn. Malaki naman ang kama roon at may sariling banyo.
Lumabas din siya kagad dahil sumisigaw na si Glenn at nagreklamong nagugutom. Inayos na niya ang pagkain sa lamesa
