BUMUTI rin ang pakiramdam ni Glenn nang maipahiga nila sa kama. Pinainom ito ni Stella ng tubig pero hindi na muna inusig tungkol sa kung ano ang naalala nito kaya biglang sumakit ang sintido. Dumating naman doon si Carlo sa villa at tiningnan ang kalagayan ni Glenn.
“Ano ba ang nangyari?” tanong ni Carlo matapos tingnan ang body temperature ni Glenn at oxygen level nito.
“Tiningnan lang naman niya ‘yong rebulto ng babae na inukit sa kahoy doon sa loob ng aparador na ‘yon,” aniya, itinuro ang aparador.
“Hindi kaya napamilyar siya sa rebulto?”
“Iyan din ang iniisip ko kasi kakaiba ang reaksiyon ni Glenn nang makita ang rebulto.”
Tumayo si Carlo at lumapit sa aparador. Binuksan nito iyon at tiningnan. “Ito pala. Kay Glenn ba ‘to?” anito.
“Oo, malamang siya ang umukit. Siya rin kasi gum
