PARANG walang nangyari at nilapitan ni Glenn si Carlo, kinuha ang gamot nito sa kamay ni Carlo. Samantalang si Stella ay animo tuod na natulos sa kaniyang kinatatayuan. Malamang ay walang pakialam si Glenn kung may nakahuli man sa kanila. s*x lang ang sinabi niya rito na hindi puwedeng malaman ng iba.
“Ano’ng kababalaghan ang nangyayari rito, Stella?” tanong ni Carlo nang makalapit ito sa kaniya. Seryoso ito.
“Uh, kuwan, bigla kasing na-excite si Glenn dahil pumayag si Dr. Laurel na mamasyal siya sa bundok. Nagulat nga ako sa ginawa niya,” palusot niya.
Ngumisi si Carlo. “Mukhang sinusukat ni Glenn ang depensa mo, ah. Baka mamaya niyan mamalayan mo na lang na nahuhulog na ang loob mo sa kaniya,” anito, sumandig sa railing.
“Wala namang problema roon,” komento niya, lumuklok sa silya.
