شمس الليل

بارت 4

في بيت مشيرة

لي لي : ماما تليفونك بيرن

مشيرة : طب ردي يا لي لي علشان مش فاضيه

لي لي : السلام عليكم مين معايا

الشخص : صاحب الموبايل عمل حادثه وهو دلوقتي في مستشفي ..... ودا اخر رقم كلمه ف رنيت عليه

لي لي بصدمه : بابا فين بابا حصله ايه

الشخص : اهدي ياانسه انا مستني حضراتكم وياريت متأخروش

مشيرة قد خرجت وجدت ابنتها تبكي بشده

مشيرة بقلق : في ايه بتعيطي ليه ومين كان بيتكلم

لي لي ببكاء : بابا بابا ياماما عمل حادثه يلا نمشي

مشيرة ببكاء : امشي بسرعه

وهاتفوا حازم ف الطريق

حازم : طب انا جاي ف الطريق جاي

الثلاثه قد وصلوا ووجدو منير في العنايه المركزة

حازم للشخص المتصل : ايه حصل لبابا

الشخص بأسف : والدك عمل حادثه بعربيته جامده والشخص التاني مات ووالدك في العنايه المركزة والدكاترة بيقولو حالته صعبه

لي لي بعصبيه بعد ان سمعت كلام الشخص مع حازم

لي لي : ممكن حضرتك تسكت بابا هيبقي كويس وهيقوم بالسلامه

يخرج الدكتور من العنايه المركزه

الدكتور : فين مدام مشيرة

مشيرة ببكاء : انا يادكتور

الدكتور : استاذ منير عايز حضرتك

مشيرة وقد ذهبت له

مشيرة ببكاء : قوم يامنير انا محتاجاك متسيبنيش

منير بتعب : اسمعيني يامنيرة انا خلاص ربنا هياخد امانته

مشيرة : متقولش كدا ياحبيبي مقدرش اعيش من غيرك

منير : انتو لازم ترجعوا مصر وتبقي وسط اخواتك كفايه العمر اللي راح وانتي بعيده وعيالك بعاد عن اهلهم

مشيرة : انت اهلي يامنير انت ناسي عملو ايه

منير : مش ناسي انك علشان بتحبيني ابوكي اتبري منك وحكم علي اخواتك ميعرفوش حاجه عنك وساعتها جيتيلي اتجوزنا وسافرنا واتقطعت الاخبار

مشيرة : وانت عوضتني عن اهلي يامنير

منير : بس كنتي مفتقداهم انا كنت بسمع عياطك ف اول الجواز بليل وبتحاولي تكتمي الصوت علشان مسمعكيش بس حتي لو مكنتش بشوفك ف كنت حاسس بيكي دا انتي نصي التاني يامشيرة

مشيرة : بس اتعودت مع الوقت ومبقتش محتاجاهم

منير : لاني كنت معاكي دايما بس دلوقتي خلاص ومش هتطمن عليكم هنا ف الغربه لوحدكم ف الاسبوع الجاي تكونوا ف مصر وتشوفي اخواتك وتصلحو اللي بينكم

مشيرة : انت هتقوم بالسلامه ومش هنسافر

منير : ناديلي لي لي وحازم

مشيرة وقد نادتهم

حازم والدموع بعينيه ولي لي باكيه

منير : تعالو جنبي

انا خلاص هموت اسمعوني علشان ارتاح

انتم عندكم اهل في مصر انا وامكم كنا مخبيين عليكم علشان كان في مشاكل بس دلوقتي لازم ترجعوا مصر

حازم ولي لي وقد تملكت منهم الصدمه

حازم : حضرتك بتقول ايه اهل مين احنا ملناش حد من صغرنا

منير : لا ليكم اخوالكم وهتنزلو الاسبوع الجاي مصر وامكم هتبقي تحكيلكم

منير : سيبوني مع حازم لوحدنا

وقد خرجو وتركوهم

منير : اسمع ياحازم انت الراجل دلوقتي وهتنفذ وصيتي

امك ليها 2 اخوات وعلشان امك اتجوزتني جدك اتبري منها ومنع اخواته يشوفوها

ف اخدتها وجينا هنا بدأنا حياتنا وعرفناكم ان ملكمش اهل

بص ياحازم انا من كام يوم كنت ناوي نرجع مصر واصلح علاقه الاخوات ببعض لانها اتقطعت بسببي

وكنت مكلف حد يسألي عنهم ولما كنت بكلمه في التليفون مأخدتش بالي من العربيه ف عملت حادثه اسمع كويس

عمك عزام وعادل رجال اعمال مشهورين محدش ميعرفش اسمهم شركات عزام الجبالي اشهر من النار علي العلم عزام عنده هنا الكبيرة متجوزة شريف ابن خالك عادل وعنده شمس ولد وحيد من سنك او اكبر منك ودا ماسك شغل العيله

ولميس الصغيرة دي من سن دانا بنت خالك عادل ومحدش منهم متجوز غير هنا متجوزة شريف

فريده مرات خالك احن قلب فيهم ودي اللي هتبقي سبب قرب الاخوات تاني

حازم : مش فاهم حاجه انت عايزني اعمل ايه

منير : الورقه اللي جنبي دي خليت الدكتور كتبهالي فيها كل حاجه الورقه دي لازم توصل لخالك عزام

عزام ياحازم محدش غيره واللي هيوصلهاله فريده انت هتنزل مصر وهتسأل علي الشركه الرئيسيه ودي موجود فيها شمس اغلب الوقت وهتقدم علي شغل بخبرتك اللي هنا وهو مش هيعرفك لاني واثق ان عزام مش معرف ولاده ان عنده اخت وعايزك تتقرب من شمس وتصاحبه ياحازم وتعتبره اخوك واختك وامك عزام لما هيقرأ الجواب هيفهم كل حاجه وهيبقي جنبكم انا واثق فيه وفي مراته وانهم هيعملو الصح ل لي لي انت الخير والبركه بس خالكم عزام هيبقي مكاني

نادي عليهم ياحازم انا خلاص ساعتي جات

وقد دخلوا الي الغرفه

منير : متزعلوش مني انا بحبكم حازم فهم كل حاجه هيعملها

ونظر لحازم

دي وصيتي ياحازم ولازم تنفذها ومحدش يعرف حاجه

وقد مات منير وسط بكاء الجميع

مر الاسبوع وقد انتهو من كل شي وحجزو للرجوع الي القاهرة اليوم .

.....