شمس الليل

بارت 3

في بيت مشيرة في الامارات

مشيرة مهاتفه ابنتها لي لي في الموبايل : لي لي انتي فين

لي لي : معلش ياماما انا ف المستشفي وطالعه اهو كان في حادثه ف معرفتش اجي في ميعادي ساعه بالكتير واكون عندك

مشيرة : لا حول ولا قوة الا بالله ماشي ياحبيبتي وخلي بالك وانتي جايه

مشيرة وهي تتجه للمطبخ لتنهي عملها لان ذلك هو ميعاد رجوع زوجها وابنها من العمل

منير وهو يفتح الباب: يا حازم قولتلك ميه مرة بطل عصبيتك دي

حازم : كنت عايزني اعمل ايه مع واحد حرامي وعلشان بيتحاسب بيتطاول عليك قدامي ياحاج

منير : يابني الامور بتتاخد بالعقل كدا كدا اخد جزاءه ف مش مستاهله كل الدوشه اللي عملتها

حازم : حصل خير ياحاج بس هو او غيره لو الموقف اتكرر هاعمل اللي عملته برضو

منير : مفيش فايده

فهو يأس من عصبيه ابنه الزائده

مشيرة : حمدالله علي السلامه ياحبايبي

منير بحب : الله يسلمك ياحبيبتي عامله ايه

مشيرة مازحه : عامله محشي ههههههه

منير ضاحكا :الليله عيد يعني بس انا اقصد انتي نفسك عامله ايه

مشيرة بحب : كويسه طول ما انت كويس ياحبيبي

حازم : احم احم نحن هنا ياست ماما

مشيرة ضاحكه : موجود دايما ياحبيبي

منير مشا**ا لها : مافيش حد حبيبك غيري حتي الواد حازم لا لانه بيضايقني ف الشغل

مشيرة : عمل ايه تاني

حازم سابقا والده : مافيش ياست ماما واحد حرامي وبيتحاسب راح اتطاول علي بابا بالكلام روحت مسكت فيه

مشيرة : ابن ابوك بصحيح بس قل عصبيتك دي ياحازم

حازم متفهما : حاضر ياماما هحاول

منير : طب يلا ناكل اومال فين حبيبه ابوها

مشيرة : جايه ف السكه كان في حادثه ف اخرت ف الشيفت بتاعها النهاردة

منير : ربنا يستر عليها

مشيرة : اللهم امين

حازم : طب انا داخل اغير هدومي لحد م لي لي تيجي وناكل

وتركهم ودخل غرفته

وبعد مرور بعض الوقت وصلت لي لي

لي لي : مساء الخييييير

الجميع :مساء النور

حازم : اخلصي ياست المهمه انا هموت من الجوع يلا غيري وتعالي

وتركته وذهبت لاباها مقبله اياه

لي لي : بابا حبيبي وحشتني

منير : وانتي اكتر ياحبيبه ابوكي

مشيرة : يلا يالي لي غيري علشان ناكل كلنا جعانين

لي لي : حاضر ياماما هاغير واصلي وجايه بسرعه

وتركتهم يتحدثون سويا

...................

في منزل عادل الجبالي

دانا لاحدي الخدامات صارخه : انتي مبتفهميش انتي ازاي تحطي سكر ف النسكافيه بتاعي

الخدامه : اسفه ياهانم بس بس هي معلقه واحده وحضرتك بتشربي معلقه واحده

دانا : انتي غ*يه ومعمرك هتتعلمي ولو اتكررت هطردك اتفضلي يلا من قدامي

ف دانا هي شخصيه مزاجيه تكاد تكون اقرب لسليطه اللسان وذلك بسبب دلع عادل الزائد لها

دانا مهاتفه احدي صديقاتها : ايوة يامي انتي فين

مي : انا ف الجامعه مستنياكي انتي اللي فين يابنتي

دانا : انا طالعه اهو من البيت نص ساعه وابقي عندك

ف مي هي صديقه دانا المقربه ولكنها سيئه الاخلاق وتكره لميس ايضا

..................

في مشفي هنا الجبالي

العامل : صباح الخير يادكتورة القهوة بتاعه حضرتك اهي

هنا : صباح النور ياراجل ياطيب عامل ايه وولادك عاملين ايه

العامل : بيبوسو ايد*كي يادكتورة خيرك مغرقنا

هنا : متقولش كدا ياعم محمد احنا عشرة عمر ومعايا من اول يوم فتحت فيه المستشفي وكفايه عليا كوبايه القهوة اللي مبعرفش اشربها غير من ايدك

العامل بمحبه : ربنا يكرم اصلك ويجبر بخاطرك يادكتورة زي م انتي جابرة بخاطري دايما

وودعها وذهب لعمله

وجاء احد لزيارة هنا في المشفي

الشخص طارقا البابا

هنا : اتفضل ادخل

شريف : حبيبتي عامله ايه

هنا : ايه دا البشمهندس شريف بنفسه عندنا ف المستشفي يااهلا وسهلا نورت ياحبيبي بس ايه المفاجأه الحلوة دي

شريف : كنت قريب من المستشفي فقولت اجي اشوف مراتي حبيبتي ولا في اعتراض

هنا : هو انا اقدر اعترض برضو ياحبيبي

شريف : كلمتي شمس النهاردة ولا لسا

هنا بحزن : لا لسا بس انا تعبت معاه ياشريف مش راضي ينسي سلمي

شريف : اعذريه ياهنا حطي نفسك مكانه وحصلي كدا

هنا بخضه : بعد الشر عنك ياشريف متقولش كدا تاني ربنا يخليك لينا دا انا قلبي وجعني

شريف : شوفتي بقي لمجرد الفكرة اتخضيتي كدا وقلبك وجعك فمبالك شمس

هنا بتفهم : عندك حق ربنا يرحمها يارب ويهدي شمس وينفذ وعده ليها

شريف : يارب ياحبيبتي ، انا هقوم بقي امشي قولت اتطمن عليكي واتطمنت وهابقي اعدي علي شمس في مكتبه لما اروح الفرع الرئيسي

هنا : ماشي ياحبيبي وابقي اتكلم معاه تاني

شريف مودعا لها : حاضر ياحبيبتي انشاء الله مع السلامه

وتركها وذهب حزينه علي اخوها

.......