شمس الليل

بارت 2

في احدي شركات عزام الجبالي

شمس: صباح الخير يابابا صباح الخير ياعمي

عزام وعادل : صباح النور ياشمس

عزام : عملت ايه ياشمس ف الصفقه الاخيرة والعطاء رسي علينا ولا لا

شمس بكل برود : اكيد رسي علينا يابابا هو مين يقدر ينافسنا

عزام بفخر : اسدي ياشمس انت اسدي

عادل : ربنا يحميك يابني

شمس : عن اذنكم رايح مكتبي لو احتجتني رن عليا يابابا

عزام : ماشي يابني

عزام لعادل : انا علي قد مافخور بابني علي قد م انا قلقان عليه وعايز اتطمن عليه ويتجوز

عادل : ربنا يخليك ليهم وتفرح بيه هو ولميس

عزام : لو عليا اجوزه دانا بس انت عارف دماغ ابني معتبرها زي لميس ومستحيل يقبل

عادل ضاحكا :ياسيدي المهم يتجوز بس ههههه

عزام : علي رأيك يااخويا والله بس انا اتطمنت علي هنا مع شريف ابنك

ناقص نتطمن علي شمس ولميس ودانا

عادل : هنتطمن عليهم باذن الله

في مكتب شمس

السكرتيرة : الفا** وصل ياشمس بيه اتفضل

شمس : تمام ياداليا واتصلي علي مراد يجيلي

السكرتيرة : اوامرك يافندم

.....

مراد هو صديق شمس المقرب ومن يعرف سر حزنه مثل هنا

ويعمل معه ف شركته مدير حسابات الشركه رغم صغر سنه الا ان كفاءته اهلته لذلك

مراد : صباح الخير ياريس

شمس : صباح الخير شربت قهوتك ولا لسا

مراد : ودي تيجي طبعا مستنيك

شمس مهاتفا لداليا : داليا القهوة بتاعتي انا ومراد

داليا : حاضر يافندم

مراد : اخبارك ايه

شمس: الحمدلله

مراد : عملت ايه امبارح

شمس : مفيش هنا اصرت عليا اسهر عندها ومروحش غير علي النوم

مراد : كتر خيرها والله اهم حاجه انك مقضتش اليوم لوحدك

شمس: وانت مفكر انكم وانتم حوليا اني ناسيها يامراد دي نفسي يامراد عارف يعني ايه موتها دبحني انت فاهم يعني ايه حب حياتك تموت بالكانسر وانت متعرفش فاهم يعني ايه نبقي بعاد عن بعض لمده سنه وانا افتكر انها حبت واحد غيري زي ماقالتلي اخر مرة علشان تكرهني فيها وهي تبقي بتتعالج وتتألم وفي الاخر بعد سنه اسمع صوتها بتقولي تعالي عايزة اشوفك اخر مرة ولما قولت هروح مش هخسر حاجه وكنت ناوي اأذيها بكلامي الاقيها قدامي لا حول لها ولا قوة ونايمه علي سريرها ولما قعدت جنبها مش مستوعب حاجه قالتلهم اطلعو برا وسيبونا لوحدنا

مراد مقاطعا : خلاص ياشمس وحد الله وادعيلها

شمس :سيبني اكمل يامراد انا عايز افضفض

فلاش باك

شمس: لقيتها فتحتلي دراعاتها وبتقولي تعالي عايزة اشم ريحتك قبل م اموت وانا ملقتش مني غير اني اترمي ف حضنها وبعيط وهي تعيط وتقولي اسفه انا عارفه انك اتعذبت زي ماانا اتعذبت ف غيابك بس مقدرتش اشوف عذابك لمده سنه وانت شايفني بموت قدامك ف كان لازم ابعد واكرهك فيا علشان متجبش اخباري وكنت مقررة اموت وانا بعيده بس لقيتني مش قادرة وقولت اني لازم اشوفك اخر واحد لانك جوا قلبي وعمرك مطلعت انا كنت بدعي ربنا اخف علشان اعوضك ع المك وعذابك بسببي

انا اسفه ياشمس اسفه ياحبيب عمري

شمس : انت ليه عايزة توجعيني تاني

سلمي: مش بإيديا حاجه وقتي خلاص جه ياشمس بس عايزاك تسامحني واتأكد اني محبتش غيرك ولاحظت ساعته فهي من اهدته اياها

انت لسا لابسها ياشمس

انتبه شمس لساعته ونظر لها

شمس: برغم اني كنت بحاول اكرهك بس معرفتش وكنت معتبر الساعه دي جزء منك فمكنش يمكن افرط فيها

سلمي باكيه : اقلعها ياشمس كدا وقتك هيفضل واقف عندي

شمس: انا مسامحك علي اللي فات ياسلمي بس مش هسامحك لو سبتيني تاني يلا قومي هسفرك برا واعالجك ف احسن مستشفيات

سلمي : خلاص مبقاش في وقت اسمعني ياشمس

انا اتصلت بيك علشان اشوفك علشان اتطمن عليك

انت لازم تحب ياشمس وتخرجني من قلبك علشان طول م انت حزين انا مش هابقي مرتاحه

شمس بعصبيه ودموعه في عينيه : انتي بتقولي ايه انتي اتجننتي انتي هتعيشي وهنتجوز ونخلف زي ماكنا بنحلم انا مينفعش احب حد غيرك ياسلمي مينفعش

سلمي: دموعك دي بتعذبني ياحبيبي

مش عايز تحققلي امنيتي علشان ارتاح

اوعدني ياشمس انك لما تلاقي البنت اللي تخطف قلبك متكابرش وتفتكر انك بتخوني ياحبيبي لا هابقي فرحانه انك لقيتها اوعدني ياشمس

شمس مترجيا : علشان خاطري بلاش خليكي معايا ياسلمي انا محتاجلك انتي متعرفيش انا من غيرك كنت عايش ازاي

سلمي : اوعدني لو بتحبني علشان ارتاح

وبدأت تسعل بقوة الي ان اخرجت دم من فمها

شمس بخوف : اوعدك ياسلمي اوعدك بس ارتاحي وقوميلي ياسلمي نكمل سوا

سلمي بابتسامه : بحبك ياشمس

وقد فارقت الحياه وشمس تحت تأثير صدمه موتها

.....

مراد: ارتحت كدا شويه

شمس : ولا هرتاح يامراد مش عارف

انت صاحبي ومعايا من ايام الكليه وعارف انا كنت ايه انا وهي يامراد دي نصي التاني فاهم يعني ايه

مراد : بس ماتت ياصاحبي وانت وعدتها ياشمس

شمس : ومش قادر اوفي بالوعد او يمكن لسا وقته مجاش مش عارف

مراد : هنا قالتلك ايه

شمس ولا حاجه كلامها هو هو من ساعه م ماتت وانها وصتها عليا بما انها كانت بتتعالج ف المستشفي عندها وهنا شافتها بالصدفه بس حلفت عليها متعرفنيش علشان متعذبش معاها وطول فترة علاجها بيشوفو بعض لحد م بقو اصحاب وانها كانت بتقولها ان امنيتها اني اتجوز واحده تحبني وتسعدني لانها حست ان العلاج مش منه امل وان عمرها خلاص قرب ينتهي وطبعا لان امبارح الذكري السنويه بتاعتها ف هنا حلفت عليا افضل عندها

مراد : نفذ وعدك ياشمس علشان ترتاح وهي ترتاح

شمس : سيبني لوحدي يامراد شويه

مراد متفهما : ماشي ياصاحبي

وتركه غارقا ف احزانه علي فراق حبيبته