بارت13

1723 Words

ومع مرور بعض الايام بدون احداث مهمه تذكر زاد تقرب لي لي من لميس وفريده وعزام ولكنها كانت تتجنب شمس لسبب لا يعلمه حازم : شمس انا عايز ارجع الشغل شمس : كمل الشهر اجازة حازم : لا انا بقيت كويس ولي لي اظن انها تأقلمت مع الجو الجديد كمان وهتحب ترجع شغلها شمس : اللي يريحك ياحازم من بكرة تروح معايا الشركه وفي غرفه لي لي وكانت لميس معها لميس : ماتيجي نغير جو انتي مش راضيه تخرجي لحد دلوقتي يلا نروح النادي لي لي : مليش نفس وبعدين انا بفكر انزل المستشفي تاني بس هقول لهنا الاول لميس : ماشي بس برضو تيجي معايا النادي انا زهقت من البيت انا اول مرة اقعد فترة كبيرة في البيت كدا لي لي بأسف : اسفه بسببي مخرجتيش ولا روحتي الجامعه لميس بحب : اولا انا حبيتك ف حبيت اقعد معاكي ثانيا انا مليش صحاب متستغربيش انا اه فرفوشه ودمي زي العسل وفي جامعه كبيرة وبنت رجل اعمال مشهور واي حد يتمني يتعامل معايا بس يمكن للسبب دا مش ليا صحاب لاني حاسه الكل بيحاول يتقرب لمصلحه البنات بتقرب علشان تتعرف علي شمس والولاد علشاني يعني بيئه كلها مصالح ف واخده جنب مع نفسي اعرف كام واحده بس مش معرفه قويه وبنتقابل في النادي كتير مافيش غيرها دينا معايا ف الجامعه ودي بحسها بتحبني لشخصي بس مسافرة اليومين دول ف مش متشجعه اروح الجامعه لوحدي والنادي عايزة اروح بس وانتي معايا لي لي وقد احست بالذنب : خلاص ماشي روحي البسي بس استأذني ماما او بابا الاول فعزام اصر عليها ان تناديه باباها لميس بفرحه وقامت بتقبيلها : فوريرة البسي وانا هقولهم وخرجت تسأل عن والدها ووجدت شمس مع حازم شمس : مالك متصربعه علي ايه لميس : بابا فين علشان نستأذنه نروح انا ولي لي النادي شمس: بابا وماما خرجو يزورو حد مريض صاحب بابا لميس: طب هنروح النادي انا ولي لي ممكن شمس : لا متروحوش لوحدكم وبعد كدا لو حد فيكم عايز يروح ف اي حته فلازم حد فينا انا او حازم يكون معاه لميس بتأفف : ليه كل دا م انا كنت بروح لوحدي شمس : الكلام دا كان زمان وكلمتي تتسمع يالميس روحي اجهزي وانا وحازم هنيجي معاكم حتي حازم يغير جو برضو لميس : ماشي ياشمس ماشي وتركته وذهبت وهي تحترق غيظا من جفاء اخاها ولكنه اصر علي ذلك لانه اصبح لا يستطيع ان صغيرته تفارق عيناه وينتظر كل يوم بفارغ الصبر ان ينجز عمله ويأتي من الشركه يوميا ليراها فهو مطمئن عليها وهي ببيته حازم : سرحان في ايه شمس : ولا حاجه ويلا اطلع اجهز علشان نوديهم حازم : ماشي وبعد مرور الوقت وجدها تنزل وهي ترتدي فستانا رقيقا اسود وحجابا اسود كان حزين علي حالها ولكن يشتعل غيرة عليها من جمالها فلا يريد لاحد غيره ان يراها شمس : ازيك يالي لي لي لي بهدوء : الحمدلله انت عامل ايه شمس : متضايق لي لي : خير شمس : اصل في ناس متجاهلاني باقيلها مده ومش راضيه تصفي نيتها من ناحيتي وتسامح لي لي وقد فهمت انه يقصدها : لا عادي ساعات الاحسن ان الناس متقربش علشان يبعدو عن المشاكل شمس وكاد ان يتكلم ولكن قاطعته لميس : انا جهزت شمس لنفسه : دا انتي رخمه شمس وقد قام بمناداه حازم حازم : انا جيت خلاص اهو شمس : طب يلا بينا وذهبو للنادي وهناك لي لي جلست شارده مما احزن شمس لميس : سرحانه في ايه يابنتي لي لي : ولا حاجه لميس : طب يلا نقوم نتمشي لي لي : لا مليش نفس عايزه اقعد بس لميس : ايه الملل دا انا عايزة العب تنس لي لي : حازم بيعرف يلعب تنس علي فكرة قوم ياحازم العب معاها حازم باحراج : خليني معاكي علشان متبقيش لوحدك شمس : وحدها ايه يابني انت مش شايفني ولا ايه حازم : معلش ياشمس مش قصدي ماشي يلا يالميس لميس وقد فرحت بقدوم حازم معاها فمنذ ان اتو الي بيتها وهو يتكلم معاها قليلا ولي لي ندمت علي اقتراحها لان شمس من بقي معها وحازم كان يشعر بالحرج ولكنه كان يشعر بسعاده ايضا فخلال الفترة السابقه بدأ يكن لها مشاعر اعجاب واحس انها ايضا كذلك شمس : مالك لي لي : بتكلمني انا شمس : هو في حد غيرك لي لي : م يمكن بتكلم نفسك شمس : ليه مجنون لي لي : يمكن وليه لا شمس : مش هتبطلي طوله لسانك دي لي لي : احترم نفسك طيب وخليك في حالك وانا لساني ميطولش شمس : انا اسف اني حبيت اتطمن عليكي علي اذنك هقوم اتمشي وخليكي مكانك شويه وهيرجعوا لقد حزن شمس من اسلوبها فهو يحاول ان ي**ر الحاجز المبني بينهما ولكنها لا تعطيه فرصه فقام وذهب ليتمشي لي لي لنفسها : انا ايه اللي هببته دا هو مقالش حاجه كان بيسألني مالك طب ويسأل ليه هو ماله بس برضو كنت قليله الذوق لازم اتأسفله فمهما كان برضو ابن خالي وقامت تبحث عنه واثناء ذلك قام شاب بمعا**تها الشاب : ماله الجميل لابس اسود ليه لي لي ولم تلتفت له وتبحث عن شمس الشاب وكاد ان يمسك ذراعها ولكن شمس سبقه ومسك ذراعه وقام بلكمه شمس : اول واخر مرة اشوفك جنبها وايدك متتمدش علي حاجه تخصني علشان المرة الجايه هقطعهالك لي لي وقد امسكت بيد شمس : خلاص ياشمس سيبه دا ميستاهلش فقام بسحبها وذهب شمس بعصبيه : انا مش قولتلك متتحركيش من مكانك ولا عاجبك اللي حصل لي لي والدموع في عينها : اولا مسمحلكش تتكلم كدا ثانيا انا قومت ادور عليك علشان اعتذرلك علي اسلوبي يس الواضح اني غلطانه والشخص دا فضل يتكلم وانا مبصتلوش حتي شمس بحده : كان هيمسك ايدك انتي فاهمه يعني ايه لي لي : ومالك متعصب ليه موقف وعدي وشكرا علي وقفتك جنبي واسفه علي اسلوبي عن اذنك وتركته ورجعت لمكانها واتت لميس وحازم ولاحظو توتر الجو لميس : في ايه لي لي : مافيش حاجه حازم : حد ضايقك لي لي : مافيش موقف وعدي و استاذ شمس كتر خيره اتصرف شمس وقد احس انه احزنها بعصبيته شمس : يلا نروح اظن كدا كفايا وذهب الجميع وعندما وصلت صعدت لغرفتها بسرعه فريده : في ايه لميس : مافيش ياماما تقريبا حد ضايق لي لي وشمس خانق معاه عزام : مين الحيوان دا شمس : خلاص يابابا موقف وخلص وانا اتصرفت عن اذنكم وتركهم وصعد لغرفته لميس : شكرا ياحازم انك جيت معايا حازم : العفو يالميس انتي زي لي لي لميس بضيق من اعتباره اخته : لي لي طب عن اذنك وتركته وصعدت لغرفتها حازم وقد احس انها تضايقت لتشبيهها بلي لي فأبتسم حازم لنفسه : مش دلوقتي يالميس لسا بدري وترك عزام وفريده وذهب لغرفته شمس بغرفته يجلس نادما علي اسلوبه وقرر مصالحتها فذهب الي غرفتها شمس : لي لي عايز اتكلم معاكي لي لي : مليش نفس هنام شمس : انا مستنيكي في الجنينه وتركها وذهب وهو يأمل ان تأتي وهي متردده ان تذهب او لا وبعد مده وجدها قادمه نحوه ف ابتسم ابتسامة خفيه لي لي : افندم في كلام لسا مقولتهوش شمس : انا اسف لي لي : اعملك ايه يعني شمس : اولا انا اول مرة اتأسف لحد ثانيا تعمليلي ايه ف تسامحيني ثالثا انا اسف علي الكام موقف اللي شوفنا بعض فيهم بس صدقيني انتي لسانك فعلا عايز قطعه لي لي وقد احست بصدق كلماته : خلاص حصل خير وانا اسفه برضو علي اللي حصل والكام مرة اللي شوفنا بعض فيهم ف انت برضو اللي عصبتني شمس : يعني خلاص صافي يالبن لي لي : حليب ياقشطه شمس وقد مد يده : صحاب لي لي وقد قامت بمصافحته : اكيد صحاب ولاول مرة منذ سنين شمس يضحك في هذا الوقت كان عزام يشاهدهم من نافذه مكتبه عزام لنفسه : شكل كان عندك حق يامنير بنتك الوحيده اللي تقدر تغير ابني في اقل من شهر رجعتله ضحكته اللي مشوفتهاش من سنين ربنا يرحمك ووصيتك هتتنفذ بس لازم برضاهم لاني مش هينفع اغصب حد منهم علي التاني وذهب عزام لغرفته وهو مطمئن البال علي ابنه وقد دخلت فريده الغرفه فريده : مالك سرحان في ايه عزام : في كل اللي حصل والتغيير اللي في حياتنا فريده : بس تغيير للاحسن انت مش شايف لميس اتعلقت بلي لي اد ايه وشمس اتقرب لحازم عزام : ربنا يبارك فيهم يلا تصبحي علي خير انا هنام علشان مصدع فريده :وانت من اهل الخير ياحبيبي وقد خلدو للنوم شمس : يلا تصبحي علي خير وقومي علشان تنامي مش هتروحي الشغل بكرة لي لي : اه رايحه بس مش جايلي نوم هقعد شويه في الهوا وبعدين اطلع ولميس تقريبا نامت من بدري ف مش هقعد لوحدي فوق شمس وقد جلس مرة اخري : اذا كان كدا مضطر اقعد مرة تانيه لي لي ضاحكه : ياسلام م كنت نعسان من شويه شمس : بس فوقت دلوقتي عادي متركزيش لي لي : انا ممكن اسألك سؤال شمس : متقوليش ممكن انت من هنا ورايح تؤمري وانا هنفذ لي لي بحب : انا ليه مش بشوفك تضحك اول مرة اشوف ضحكتك النهاردة شمس مبتسما : هتصدقيني لو قولتلك ان باقيلي سنين مضحكتش من قلبي لي لي بحزن : ليه بس كدا دا بسبب تجربتك اللي مكملتش شمس : انتي كنتي صاحيه لما كنت بكلمك لي لي بابتسامه : ايوة كنت صاحيه من اول م هنا كلمتني وبعدها حازم وبعدها انت شمس باحراج : يعني سمعتي كل حاجه كل حاجه لي لي : اه كل حاجه كل حاجه ولو حابب تحكي وانا معاك انا مستعده اسمع احنا اتفقنا نبقي صحاب شمس بغيظ : ازاي سمعتي وازاي صحاب لي لي : اولا مش معني اني سمعت يعني يبقي في فرق ثانيا انت شبه مدمر بسبب تجربتك دي وانا شبه مدمرة بسبب موت ابويا وامي ف غلط اتعلق بكلام سمعته علشان تخليني اصحي منكرش انك حسستني وقتها بامان وحنيه خلتني افتح عيني بس دا ميمنعش انه مينفعش ياشمس شمس بحزن : بس انا قررت اتجاوز وانتي كمان لازم تقرري تتجاوزي انا مش عارف بقول كدا ازاي انا كان مجرد تفكيري اني اوفي بوعدي كنت بعتبره خيانه لسلمي الله يرحمها وكنت نسيت بس لما شوفتك حسيت انك تخصيني يمكن رابط الدم ليه عامل بس صدقيني شعوري ملهوش علاقه بوعدي انا مش هضغط عليكي وقت م تقرري تتجاوزي اتمني تيجي وتقوليلي وهساعدك لي لي : انشاء الله ويلا علشان ننام وهي ذاهبه وقفت والتفتت له لي لي : شمس شمس : نعم لي لي : ضحكتك حلوة متخبيهاش تاني وحياه صداقتنا شمس بحب : حاضر وانتي كمان ضحكتك حلوة والحزن مش لايق عليكي والاسود برضو ياريت تقلعيه كفايه كدا لي لي : م انت بتلبس اسود دايما شمس : بس دا تعود لي لي : وقت م تحس انك فعلا تجاوزت كل حاجه من ضمنهم الاسود هابقي موجوده اسمعك وساعتها هقلع الاسود يلا تصبح علي خير شمس : وانتي من اهل الخير وبصوت هامس : ومن اهلي ياليلي وذهب الاثنان لغرفهم مفكرين فيما حدث .................

Free reading for new users

Scan code to download app

App Store Google Play

Facebookexpand_more