شمس الليل

بارت 9

في منزل عزام

عزام : هنا مجتش ليه يافريده لحد دلوقتي

فريده : اتصلت بيها وقالتلي جايين في الطريق

عزام : شمس ولميس فين

فريده : قاعد في الجنينه من بدري ولميس في اوضتها

عزام : لسا متعرفيش شمس ماله

فريده : لا مش راضي يحكي بس متأكده ان هنا عارفه واكيد مراد صاحبه كمان

عزام : عايزة اتطمن عليه انه اتجوز البنت المناسبه

فريده بفهم لما يجول في خاطر زوجها : انت اكيد مش بتفكر تجوزه من العيله صح

عزام : قصدك دانا اكيد لا هي بنت اخويا اه بس متناسبش ابني لان عادل مدلعها زياده عن اللزوم ابني عايز واحده تشيل مسؤولية بيت واسرة والاهم توصل لجواه وتغيره

فريده : عندك حق ربنا يقدمله اللي فيه الخير

وقد وصلت هنا مع زوجها وبناتها الي بيت والدها ووجدت شمس بالخارج فذهبو اليه

هنا : الجميل سرحان في ايه

شمس : اهلا وسهلا ياحبيبتي

مايا ولينا : خالو شمس وحشتنا

شمس : وانتو كمان ياحبايب خالو ادخلو جوا جدو مستنيكم من بدري ونانا كمان مستنياكم وعملالكم حاجات حلوة كتير

وقد اسرع البنات الي الدخل

شريف : هدخل اسلم عليهم وجايلك نقعد سوا

شمس : ماشي مستنيك

وقد ذهبت هنا وشريف للداخل وعاد شريف لشمس

شريف : ها ياسيدي عامل ايه

شمس : الحمدلله تمام

شريف : ايه اخره اللي انت فيه دا

شمس : اخره ايه مش فاهم

شريف : عاجبك حالك يعني خلاص ماتت ياشمس وطلبت منك تتجوز وتنساها ليه بتعذب نفسك واكيد هي شايفاك برضو وبتتعذب علي حالك

شمس بجمود : انا مش حابب اتكلم ياشريف

شريف : لحد امتي هتفضل كدا العمر بيجري

شمس مغيرا للحديث : سيبك مني ربنا يسهل المهم انت عامل ايه

شريف : الحمدلله وماشي توه الكلام براحتك

شمس : النهاردة حصل معايا حته موقف انما ساقع سقع

شريف : حصل ايه خير

شمس : وانا سايق كنت هخبط واحده بس اعوذ بالله عليها وعلي لسانها بس جريت قبل م اعلمها الادب علي طوله لسانه

شريف ضاحكا : البت علمت عليك يعني

شمس بحده : علمت علي مين مسيرها هتقع تحت ايدي ساعتها هاخد حقي واربيها

شريف : بس مش غريبه ان واحده تلفت نظرك وتتكلم عنها بعدها بمده

شمس وقد فهم مايفكر به شريف : بقولك خانقنا ومستني اشوفها علشان اخد حقي واربيها شوف انا بقول ايه وانت بتفكر ف ايه

شريف بخبث : بس انا مقولتش حاجه اللي علي راسه بطحه بقي

شمس محدثا نفسه : انا اول ماشوفتها اتشديتلها ليه حسيت انها تخصني من جوا

بس لا دي قليله الادب ولسانها اطول منها

حتي ولو كدا ف برضو شدتك ليها

لا بس دي خيانه لسلمي

لا مش خيانه ماسلمي خلتني وعدتها اني احب واتجوز

حب ايه وجواز ايه دي بني ادمه لسانها طويل واكيد دا اللي لفتني ليه بس انها اول بنت تتكلم معايا كدا

شريف وقد لاحظ شرود شمس : احم احم نحن هنا بتفكر ف ايه

شمس : ها ولا حاجه يالا ندخل جوا نقعد معاهم

وقد ذهبوا للداخل ووجدو الكل مجتمع ولميس معهم

شريف : والله وحشتني لمتنا

عزام : هتكمل انشاء الله قريب

لم يفهم احد مايقصده عزام غير فريده وهنا

لميس ممازحه اباها : جرا ايه يابابا لما مايا ولينا بييجو هنا بتنسي ان في لميس خالص

عزام ضاحكا علي غيره ابنته : انتي اخر العنقود بس برضو مسمعتيش عن المثل اللي بيقولك اعز من الولد ولد الولد ودول احفادي الوحيدين لحد دلوقتي يعني روحي فيهم

هنا : بس برضو يابابا لميس عندها حق انت بتنسانا خالص وهما معاك

فريده : وانا بضم صوتي لصوتهم

عزام ضاحكا : ايه دا انتو متفقين عليا وعلي حفيداتي برضو هيفضلو حبايب قلبي

مايا ولينا : واحنا بنحبك اوي ياجدو

هنا : خلاص يلا روحو العبو علشان جدو ميتعبش منكم

وقد ذهبت الفتيات للخارج ليلعبوا

عزام : اخبار الشركه ايه ياشريف

شريف : الشغل ماشي تمام ياعمي متقلقش

عزام : طول م انت وشمس مهتمين بكل حاجه ف انا مش قلقان

انا هقوم اقعد ف المكتب شويه عن اذنكم

وتركهم ودخل ليهاتف عادل ليلين قلبه

عزام مهاتفا عادل : ها فكرت

عادل : انت مش عطيني مهله لبكرة

عزام وعدي كذا ساعه مجتش علي كام ساعه باقيه اكيد فكرت

عادل : اه فكرت وموافق اتصالح معاها بس بشرط انها متاخدش حاجه

عزام بحزن : برضو اللي في دماغك في دماغك قولتلك هي رفضت

اختك بتموت وانت بتفكر في الفلوس

عادل : انا قولتلك اللي عندي

عزام : ماشي ياعادل ربنا يهد*ك عموما بكرة هنروحلها

عادل : ماشي

وقد اغلق عزام الخط مع عادل حزينا علي اخته وغاضب من تفكير اخيه

وفريده قد دخلت له

فريده : مالك سرحان في ايه

عزام وقد قص لها كلام عادل : انا مش عارف ازاي يفكر في فلوس دلوقتي

فريده : معلش ياعزام كل واحد وتفكيره كويس انه وافق يتصافي معاها ويروح معاك لانها محتاجاكم جنبها

هتروحو امتي

عزام : بكرة انشاء الله

فريده : ماشي يلا تعالي اقعد معانا برا

عزام : روحي وانا طالع وراكي

فريده وقد تركته وخرجت

هنا : حصل ايه ياماما

فريده وقد قصت لها ماحدث منذ قليل ماعدا مرض مشيرة

هنا : ربنا يهدي عمي ويعدي بكرة علي خير

فريده : يارب

لميس : بتتوشوشو علي ايه بعيد كدا

هنا ممازحه اختها : وانتي مالك انتي ياحشريه

لميس: ربنا يسامحك ياستي

..............

في اليوم التالي ببيت مشيرة

لي لي : شكلك تعبان ياماما تعالي روحي معايا المستشفي علشان اتطمن عليكي

مشيرة : اتطمني انا كويسه ويلا انزلي علشان متأخريش علي شغلك

ودعتها لي لي وذهبت مشيرة لحازم في غرفته

مشيرة : حازم تعالي عايزاك انا برا اهو

حازم : دقيقه ياماما وجاي

وقد خرج لها

حازم : اؤمري ياست الكل

مشيرة : انا عرفت انك بتشتغل في شركه خالك

حازم بدهشه : وعرفتي منين

مشيرة وقد قصت له كل شي عندما اتي عزام لزيارتها هو وفريده وعرضه عليها بان يعيشو معه

حازم : مكنتش متوقع انه هيحن بالسرعه دي

مشيرة : عزام طول عمره حنين بس مش بيحب يزعل ابونا بس عادل اللي قلبه قاسي

حازم : وانتي بتقوليلي كدا ليه

مشيرة : علشان لو حصلي حاجه تسمع كلام خالك

حازم بعصبيه : متقوليش كدا ياما احنا مش حمل حزن تاني انا هنزل الشغل ولو احتاجتيني رني عليا

مشيرة متفهمه شعور ابنها : ماشي ياحبيبي خلي بالك من نفسك

وقامت بمهاتفه عزام

مشيرة : ايوة ياحبيبي عامل ايه

عزام : بخير ياحبيبتي عامله ايه دلوقتي

مشيرة : وقتي جه ياعزام عايزة اشوفك انت وعادل تعالو دلوقتي الولاد نزلو الشغل

عزام بقلق : احنا جايين سلام

مشيرة : سلام

وقد جلست تنتظرهم الي ان رن جرس الباب

مشيرة : وحشتني ياحبيبي

عزام : وانتي كمان ياحبيبتي

مشيرة : ازيك ياعادل

عادل بجفاء : كويس انتي عامله ايه

مشيرة بحزن علي قسوة اخاها : بخير يااخويا الحمدلله

اتفضلو ادخلو

مشيرة : اسمعوني كويس وانت بالذات ياعادل

عزام عرض عليا نصيبي ف ورث ابويا وانا رفضت دا اولا علشان متقولش اننا طمعانين فيكم

ثانيا انت ياعزام زي ماقولتلك عيالي امانه في رقبتك من النهاردة

خدهم يعيشو معاك علشان ابقي متطمنه عليهم

عزام بحزن : اللي انتي عايزاه هعملهولك المهم ترتاحي

مشيرة : انا قولتلكم اهم حاجتين بجانب اني عايزاكم تكونوا مسامحيني من جواكم قبل م اموت

عادل وقد لانت ملامحه : ربنا يخليكي لعيالك انا مسامحك من جوايا

عزام : وانتي اكيد عارفه اني مزعلتش منك علشان اسامحك

احنا هنمشي علشان ترتاحي

مشيرة : انا جهزتلكم الاكل

عزام : مرة تانيه المهم ترتاحي دلوقتي

وقاموا وتركوها تفكر فيما سيحدث لابناءها بعد رحيلها

..............