شمس الليل

بارت 6

في بيت عزام

فريده محدثه عزام علي الهاتف : عزام عايزة اتكلم معاك شويه ياريت تيجي

عزام : خير يافريده

فريده : تعالي بس انا مستنياك

عزام : مسافه السكه

عزام وقد وصل للمنزل

عزام : خير يافريده

فريده تعالي ندخل المكتب

وقد ذهبوا الي المكتب

عزام : في ايه

فريده : انت كلمتني عن منير وان اختك وحشاك

عزام : ليه بتفتحي الموضوع تاني

فريده : خد الجواب دا من منير اقرأه وانا هسيبك لوحدك وهرجعلك شويه كدا

اعطته الجواب وقامت بالخروج من غرفه المكتب

تاركه اياه في حاله عدم استيعاب لكلامها ولا لوجود الجواب فقام بفتحه

ازيك ياعزام وحشتني ياصديق عمري انا عارف انك مستغرب دلوقتي ايه اللي بيحصل وانك بتقرأ الجواب دلوقتي يعني عرفت اني قابلت وجه كريم دلوقتي ومت مش عايزك تحزن عليا عارف ان رغم المشاكل اللي حصلت الا انك لسا بتحبني من جواك دا احنا مش عشرة سنه او اتنين بس اعذرني قلبي مليش سلطه عليه وقلبي اختار مشيرة ومعملتش اعتبار اني ابن موظف بسيط وهي مشيرة الجبالي وبسببي والدك بعدها عنكم وانت وعادل مكنش قدامكم حل غير انكم تنفذو رغبته وتبعدو عنها وتقطعوا علاقتكم بيها

انا اخدتها وسافرت واشتغل وكبرت وربنا رزقنا بحازم محاسب معايا ف نفس الشركه اللي كنت فيها و لي لي دكتورة

انا ربيت عيالي انا ومشيرة احسن تربيه بس معرفتهمش ان ليهم اهل

مشيرة تعبت ف اول كام سنه من غيركم وكانت بتعيط يوميا ومفكرة اني مش بشوفها ولا بسمعها بس الايام بتعود ياصاحبي

اختك حست ان ضهرها م**ور من غيرك انت وعادل بس مكنتش بتبين علشان متحسسنيش بالذنب واني كنت السبب ف كل اللي حصل بس دي عشرة عمري وحب حياتي ف طبيعي احس بيها

انا دلوقتي بكتب وانا مش باقيلي ف العمر كتير عايزك ترجع اختك لحضنك وعيالي يحسوا ان ليهم ضهر انا سألت عنكم وعرفت ان عندك بنت وولد لسا متجوزوش انا عايز بنتي تتجوز شمس ابنك عارف انه صعب من اللي سمعته عنه بس بنتي زي اختك في صفاتها وحنيه الدنيا فيها هتعرف تغيره عارف انه طلب صعب بس انا مش طالب منك غير انك تحطهم ف طريق بعض وسيب الباقي علي ربنا دي الطريقه الوحيده اللي هموت وانا متطمن علي بنتي فيها لانها هتبقي جنبك

وحازم يتجوز بنتك الصغيرة وابني راجل تقدر تطمن علي بنتك معاه وهيبقي تحت جناحك هو واخته

انا عارف ان اللي بطلبو كتير بس سامحني دي الحاله الوحيده اللي هتطمن عليهم بعد م اموت لان مشيرة مش هتعيشلهم كتير

انا اسف ياصاحبي بس صدقني انا كنت ناوي ارجع واصلح بينكم بس القدر كان اقوي مني وسبقني

دي وصيتي ياعزام ..

عزام والدموع بعينيه يجاهد ان لا تنزل ويقوم بتخبئه الجواب في الخزنه الخاصه به وينادي علي فريده

عزام بصوت مسموع : فريده تعالي

فريده : قرأته

عزام : ايوة اسمعي يافريده بدون ذكر تفاصيل انا قررت اختي وعيالها هيرجعوا لحضني بس مش دلوقتي

فريده : مش فاهمه ايه في دماغك عايز تعمل ايه

عزام : هتعرفي بعدين ثقي فيا انا لازم اتعرف علي حازم و لي لي الاول قبل م اشوف مشيرة

انتي جبتي الجواب منين صحيح

فريده : حازم ابنها اتصل بيا وقابلني

عزام : ايه رأيك فيه

فريده باستغراب : ليه بتسأل سؤال زي دا عموما باين انه محترم وراجل فعلا تربيه اختك بقي عايزه يطلع ايه

عزام : عندك حق

المهم كلمي هنا وقوليلها اني عايزها

فريده : ماشي

وقد قامت بالاتصال بها وقد اتت لرؤيه والدها

هنا : ازيك يابابا عامل ايه

عزام : بخير ياحبيبتي اقعدي عايزك في موضوع

هنا : اؤمرني يابابا

عزام : انتي عارفه ثقتي فيكي عامله ازاي اللي هقولهولك يفضل سر بينا

هنا : اكيد ياحبيبي اتفضل

عزام وقد قص عليه ماحدث ماعدا موضوع جواز ابناءه

هنا : انا اول مرة اعرف بحاجه زي كدا بس حضرتك بتحكيلي ليه

عزام : لي لي بنت عمتك مشيرة دكتورة وطبعا لانهم نزلوا من الامارات من قريب ف اكيد لسا ملقتش شغل عايزك تنزلي اعلان انكم محتاجين دكاترة بحيث انها تشوفه وتقدم وهتعرفي اسمها بس لازم متعرفش انتي مين لحد م تستلم الشغل علشان دي اكيد زي اختي ونفسها عزيزه عليها وهترفض تشتغل لو عرفت انك قاصداها بالذات

هنا بتفهم : خلاص يابابا انا هتصرف

عزام ممتنا: تسلميلي يابنتي يلا روحي شوفي عيالك عارف اني جبتك علي ملي وشك

هنا : ماشي ياحبيبي

وقامت بتوديعه

...............

في شركه عزام

شمس : فين يابني المحاسب اللي كلمتني عنه دا

مراد : ثواني انا كلمته وجاي دلوقتي علشان تتعرف عليه لاننا بقينا صحاب انا وهو

شمس : ماشي ياسيدي لما نشوف اخره مجايبك

مراد : عيب عليك والله ياريس دا انا مراد برضو عمر مجايبي كانت وحشه ههههههههه

شمس : لا خالص

السكرتيرة : شمس بيه في واحد اسمه حازم بيقول في ميعاد مع حضرتك

مراد : دخليه

شمس : هو دا يعني

مراد : ايوة بس افرد وشك متعقدش الواد من اولها

شمس وقد نظر له غاضبا مما اخاف مراد

مراد : خلاص براحه انت هتاكلني

حازم : مساء الخير

مراد : مساء النور ياحزومه

شمس وهو يسلم عليه : مساء النور ياحازم انا شمس الجبالي

حازم : اهلا وسهلا اكيد اعرف حضرتك سمعت عنك كتير خاصه من مراد

شمس بلطف : انت صاحب مراد ف طالما مافيش القاب لمراد يبقي مافيش ليا قولي شمس وهقولك حازم من غير القاب احنا خلاص بقينا صحاب واول مرة مراد مجايبه تبقي محترمه فعلا

مراد ضاحكا : اي خدمه قدر بس

شمس : هقدر حاضر يلا روح علي شغلك

مراد : سلاما قولا من رب رحيم مالك يابني ماكنت كويس ههههه

شمس : هتقعد ترغي كتير هيتخصم منك

مراد : لا وعلي ايه انا ماشي

حازم ضاحكا : طب استأذن انا كمان

شمس : لا اقعد شويه نشرب فنجان قهوة ونتعرف علي بعض

حازم بفرح يداريه : اكيد طبعا دا شرف ليا

شمس : ها ياسيدي انا عرفت انك كنت عايش في الامارات واول مرة تنزل مصر

حازم : اه بعد م بابا اتوفي نزلت انا واختي وماما

شمس بحزن : البقاء لله ربنا يصبركم

حازم : ونعم بالله

شمس : اول م تحتاج اي حاجه متتأخرش تكلمني

حازم ممتنا : اكيد طبعا ياشمس ربنا يخليك علي اذنك علشان اخرت علي شغلي

شمس : اتفضل وهنتقابل اكيد تاني انا اول مرة ارتاح لحد كدا من اول مرة خاصه لو معرفه مراد

حازم ضاحكا : وانا اكتر والله يلا علي اذنك

وقام بتوديعه وترك شمس شاردا في مكتبه

...........