شمس الليل

بارت 7

في بيت مشيرة

لي لي : ماما في اعلان طالبين دكاترة لمستشفي خاص وكبيرة هاروح اقدم بكرة

مشيرة : ماشي بس خلي بالك من نفسك او خلي حازم يوصلك وانشاء الله تتقبلي

لي لي : ياست الكل خلي حازم ف شغله منعطلهوش وانا مش صغيرة علشان تخافي عليا هاروح واجي بسرعه والتا**ي هيوديني لحد م حازم يجبلي عربيه محندئه كدا علي قدي

مشيرة : اللي يريحك ويلا قومي علشان حازم زمانه جاي علشان نجهز الغداء

حازم وقد عاد من عمله

حازم : مساء الفل علي احلي اتنين في العالم

لي لي : دي باينلها الغزاله رايقه يازوما

حازم ضاحكا : غزاله ههههه في دكتورة تقول غزاله نفسي اعرف بتجيبي الكلام دا منين

لي لي ضاحكه : من الافلام طبعا هههههه

مشيرة : حمدلله علي السلامه ياحبيبي

حازم : الله يسلمك ياحبيبي عامله ايه دلوقتي لسا تعبانه

لي لي : مش راضيه تروح تكشف ياحازم عماله اقولها يلا نروح لدكتور يشوف الدوخه اللي عندك دي من ايه مش راضيه

حازم : انتي مش دكتورة يابنتي

لي لي : لازم تحاليل واشعه اولا ثانيا جبتلها مقويات وفيتامينات وبرضو مافيش جديد ف لازم تروح مستشفي تعمل تحاليل كامله

مشيرة : خلاص ياولاد دول شويه ارهاق وهيروحو لحالهم يلا علشان نتغدا

حازم : بس لي لي عندها حق ياماما لازم تروحي مستشفي

لي لي : زوما في اعلان في الجورنال طالب دكاترة لمستشفي خاص هاروح بكرة اقدم

حازم بعدما قرأ الاعلان عرف انها مستشفي هنا ولكن لعدم حملها اسم الجبالي فلم تعرف لي لي انها لابنه خالها ولكنه وجدها فرصه لتتقرب لي لي لهنا

حازم مشجعا : ماشي ياحبيبتي روحي ولو احتاجتي حاجه رني عليا وهابقي عندك وخلي بالك وانتي رايحه لحد م اجبلك عربيه واعرفك الشوارع

لي لي مقبله اخاها : تسلملي يازوما ربنا يخليك ليا ياحبيبي

حازم بمحبه ضاحكا : ويخليكي ليا ياقردة

............

في مشفي هنا

لي لي لاحدي الممرضات : كنت حابه اقدم علي شغل كنتو منزلين اعلان عن دكاترة

الممرضه : طب اتفضلي اود*كي مكتب دكتوره هنا صاحبه المستشفي

الممرضه : يادكتورة في واحده حابه تقدم علي شغل تبع الاعلان

هنا بأمل ان تكون لي لي : خليها تدخل

لي لي : السلام عليكم

هنا : وعليكم السلام اتفضلي اقدر اساعدك ب ايه

لي لي : كان في اعلان للمستشفي طالب دكاترة

هنا : اه حضرتك اسمك ايه

لي لي : لي لي منير

هنا بفرحه تجاهد ان تداريها : اهلا وسهلا

كنتي بتشتغلي فين قبل كدا

لي لي وقد احست براحه غريبه اتجاه هنا و هنا كذلك الشعور : انا كنت عايشه طول عمري في الامارات وكنت شغاله هناك بس بابا اتوفي من قريب ف نزلنا مصر انا واخويا وماما

هنا بأسف : البقاء لله ياحبيبتي

تقدري تبدأي شغل من دلوقتي لو حبيتي

لي لي بفرحه : ايه دا يجد شكرا اوي واه ابدأ دلوقتي

هنا : تمام هخلي الممرضه توريكي المستشفي وتفهمك كل حاجه واي حاجه انا موجوده اعتبريني اختك الكبيرة

لي لي وقد احست بحب هنا : شكرا اوي يادكتورة ربنا يخليكي

هنا : طول م احنا لوحدنا مافيش القاب انا هنا وبس وانتي لي لي وبس

لي لي : اتفقنا ياهنا

هنا وقد قامت باستدعاء الممرضه : خدي دكتورة لي لي ووريها المستشفي كلها و عرفيها كل حاجه هي هتستلم من النهاردة

هنا: صحيح يالي لي انتي خبرتك ف قسم ايه

لي لي : انا كنت دايما في الطوارئ لان الدكاترة المشرفين عليا شافوا ان عندي سرعه بديهه وتصرف ف الحالات الحرجه والحوادث

هنا : تمام ماشي الممرضه هتعرفك مكانك ومواعيدك

ذهبت لي لي مع الممرضه لكي تعرف ماهو عملها تاركه هنا بمكتبها

هنا مهاتفه والدها : الو ازي حضرتك يابابا

عزام : كويس ياحبيبتي ها عملتي ايه قدمت ولا لسا

هنا ضاحكه : طب اسأل عني انا عامله ايه اخبارك ايه مش بنت اختك بقت اهم مني

عزام : انتي حبيبه ابوكي

هنا : عموما هي جات من شويه وقعدت معاها واستلمت الشغل كمان وفي المستشفي دلوقتي

عزام بفرح : الحمدلله كدا ارتحت شويه

رأيك ايه فيها

هنا ضاحكه : ايه ياعزام بيه ناوي تتجوز ولا ايه

عزام : عيب يابنت انا يملي عيني غير فريده

هنا : ايوة ياسيدي ربنا يخليكم لينا يارب

البنت شكلها قمر بجد ومحجبه وطيبه وشكلها محترم وتدخل القلب بسرعه

عزام : ايه كل دا حيلك حيلك بس عندك حق اكيد شبه مشيرة هتطلع قمر لمين غيرها

هنا : عايز تعمل ايه يابابا تاني

عزام : هعرفك كل حاجه ف وقتها الصح المهم دلوقتي عايزك تقربي منها وتصاحبيها هي متعرفش حد هنا لسا وخلي بالك منها دي زي لميس

هنا : اكيد طبعا يابابا من غير ماتوصيني انا حبيتها وارتحتلها من لما قعدت معايا

عزام : ماشي يابنتي وابقي تعالي انتي وشريف والبنات هستناكم بليل

هنا : ماشي يابابا هقول لشريف ونييجي يلا اسيبك بقي علشان عندي شغل

عزام : سلام يابنتي

اغلقت هنا الخط مع والدها وذهبت لتري ابنه خالتها

هنا : دكتورة لي لي عرفتي كل حاجه ولا في حاجه مش فاهماها

لي لي : لا يادكتور كله تمام وفهمت كل النظام

هنا : طب انا هلف علي المستشفي تعالي معايا طالما مافيش حاله تستلميها لسا

لي لي : اكيد طبعا اتفضلي

ذهبت لي لي مع هنا يمرو علي المستشفي ويتحدثوا سويا وقد تقربا لبعضهما بسرعه

هنا : انا كدا خلصت شغلي النهاردة وهتضطر امشي علشان بناتي اكيد رجعوا من المدرسه

لي لي : حضرتك عندك اطفال ماشاء الله ربنا يخليهملك

هنا : عندي مايا ولينا مايا في 5 ابتدائي ولينا ف 3 ابتدائي بس قرود قربو يجننوني

لي لي : ربنا يخلهملك انا بحب الاطفال جدا واكيد لازم اشوفهم وهنبقي صحاب

هنا ضاحكه : اكيد طبعا ف اقرب فرصه هخليكي تشوفيهم واعرفك علي عيلتي كمان اكيد متعرفيش حد ف مصر بما انك لسا جاي جديد

لي لي : تصدقي لو قولتلك انك اول حد اتعرف عليه هنا من ساعه م نزلت مصر وانا متعاملتش مع حد

هنا بحب : دا شي يشرفني وزي م قولتلك اي حاجه انا موجوده انتي زي لميس اختي

لي لي : انا حبيتك جدا ياهنا مش عارفه ليه وحاسه ان في رابط بينا احساس غريب بس مريح

هنا بمحبه وقد قامت باحتضانها : الايام هتقوي الرابط صدقيني

لي لي بعدم فهم : يعني ايه

هنا وقد تداركت الموقف : ولا حاجه اقصد اننا هنبقي اصحاب واخوات اكتر ولا عندك اعتراض صحيح انا اكبر منك بس الفرق مش كبير يعني

لي لي : انا مستغربه سنك ازاي عندك مستشفي

هنا ضاحكه : لا ياستي انا بعد م اتخرجت بابا فتحلي المستشفي دي بس هدفها الاول نساعد الناس المحتاجه الاول

لي لي : انا حبيت عمو جدا ربنا يجعله في ميزان حسناته

هنا : اللهم امين يلا انا همشي وانتي مسموحلك تمشي النهاردة وقت ماتحبي لو مش حابه تقعدي بس من بكرة تلتزمي بمواعيدك

لي لي : اكيد ماشي توصلي بالسلامه وبوسيلي البنات

هنا : مع السلامه

وقامت بتوديعها تاركه اياها سعيده بعملها ومتعجبه ايضا من قربهما السريع لبعضهما و هل تعامل جميع الدكاترة مثلها بموده ام انها حاله استثنائيه

............