شمس الليل

بارت1

داده ساميه: صباح الخير يافريده هانم

فريده: صباح النور ياداده

داده ساميه : الفطار جاهز

فريده : طب اطلعي صحي لميس ياداده معلش علشان جامعتها وانا هصحي شمس علشان يلحق باباه

داده ساميه : من عينيا حاضر

في اوضه لميس :

الداده: يابنتي قومي علشان هتأخري علي جامعتك كدا ومامتك مستنياكي تحت

لميس بتأفف: يوه ياداده مش موال كل يوم دا سيبيني انام شويه

الداده: يابنتي اخرتي ومامتك هتزعل

لميس : ماشي ياداده جايه اهو باينله يوم مش لطيف من اوله

الداده : ربنا يهد*كي يابنتي ويسعدك

لميس بمحبه : امين ياداده ياحلوه انتي

فهي قد تربت علي يديها منذ صغرها وتكن لها المحبه

في غرفه شمس :

فريده : شمس ياحبيبي يلا قوم اخرت النهاردة علي غير عوايدك باباك نزل راح هو وعمك يمرو علي الشركات

شمس: صباح الخير ياحبيبتي هي الساعه كام دلوقتي

فريده : الساعه 9 ياحبيبي

شمس بصدمه : 9 ياخبر مصحتنيش ليه ياماما المفروض ابقي هناك ف الشركه من ساعه

فريده : لقيتك تعبان مرضتش اصحيك وخاصه انك راجع من عند هنا وش الصبح وشكلك كان زعلان

شمس: خلاص ياماما انا فوقت ونازل ورا حضرتك

فريده: مش هتقولي ايه فيك من سنتين ومش راضي حد يعرف غير هنا اختك

شمس : مافيش حاجه ياماما عادي اختي وكنت بزورها وجوزها ابن عمي وصاحبي واخويا الكبير ف سهرت معاهم

فريده :ماشي ياشمس بس لما تحب تحكي هتلاقي حضني احن عليك من اختك

انا هنزل ومتأخرش الفطار جاهز

شمس : حاضر ياحبيبتي هغسل وشي والبس وجاي وراكي

تركته فريده ونزلت

فريده: ياداده صحيتي لميس

الداده : ايوة ياهانم ونازله دلوقتي

نزلت لميس وكانت ترتدي فستان قصير ابيض يصل لركبتها و شعرها ذ*ل حصان وتضع بعض مساحيق التجميل الخفيفه

لميس: صباح الخير علي احلي فوفو في الدنيا

فريده : صباح النور علي اكتر واحده بكاشه ف الدنيا

لميس متصنعه الحزن : انا بكاشه ربنا يسامحك يافوفو بس اعمل ايه بحبك فمينفعش ازعل منك

فريده : طيب يلا ياغلباويه افطري علشان اخرتي

لميس : اومال شمس وبابا فين راحوا الشركه ولا ايه

فريده :بابا راح بس شمس نازل دلوقتي

لميس:ربنا يستر مش بتفائل بيه والله هههههه

فريده : لميس عيب كدا دا اخوكي الكبير

لميس : والله ياماما ماقصدش بس انتي مش شايفه حياته سواد ف سواد لبسه اسود وهو نفسه تحسيه اسود من جوا مبيضحكش ياماما عارفه يعني ايه

فريده بحزن : عارفه يابنتي انا ابني قلبه م**ور بس معرفش من ايه محدش يعرف غير هنا وهي رافضه تقول لحد

شمس : صباح الخير

لميس وفريده : صباح النور

فريده : يابني كفايه بدل سوداء بقي انت لسا شاب

فهو كان يرتدي بدله سوداء انيقه تجعله في اشد وسامته وكل ملابسه سوداء وساعه لا يغيرها ابدا

شمس : ايه ياماما حتي اللبس فيه شاب وعجوز انا برتاح كدا

قام شمس بتناول فطوره بسرعه وكذلك لميس

شمس: لميس تعالي اوصلك في سكتي

لميس: شكرا انا معايا العربيه يلا علشان متأخرش وقامت بتقبيل والدتها وتوديع اخاها وذهبت

شمس: انا هقوم ياماما عايزة حاجه

فريده:عايزاك بخير ياحبيبي وقام بتقبيل يدها فهي عادته منذ كان صغير وتركها وذهب