3RD: PERSON POV
Sa isang rest house sa San Roque, maagang dinalaw ni Shaira si Miko. Tahimik ang paligid habang nilapitan niya ang bata at matamang tinitigan ang mukha nito..
Gusto kong makasiguro kung sino ang ama mo, wika niya sa sarili. Sa oras na malaman kong anak ka ni Carlo, isasama kita sa nanay mo at ililibing ko kayong buhay.
Walang awa niyang binunot ang buhok ng bata at sinilid sa Isang maliit na plastic. Napitlag si Miko kahit tulog pa. Napadilat ito at umatras, bakas ang takot sa mukha.
“Ate, ibalik mo muna ako sa mama ko… maawa ka po sa akin. Gutom na gutom na po ako,” umiiyak at nagmamakaawang sabi ni Miko.
Tumaas ang kilay ni Shaira. Lumabas siya at nilapitan ang tauhang nakaupo sa labas ng pinto.
“Bigyan mo ng tinapay ang batang ’yan,” utos niya.
“Masusunod, ma’am,
