Naging problema ko kung papaano ipapaliwanag kay Layla ang tungkol sa villa.
Sa mga mata niya, isa lang akong mahirap at ordinaryong estudyante. Ang pagkakaroon ng abilidad na mabili ang isang high-end villa ay isang bagay na hindi tugma sa pangkaraniwan kong estado.
Sapagkat mali ang pagkakaintindi niya at inisip na si Roman ang bumili nito, hahayaan ko na lang ang hindi namin pagkakaintindihan. Mabuti na rin na ganito para hindi ko na kailangan ipaliwanag ang sarili ko.
Lumabas ako ng villa dala ang card ni Layla.
Tapos nang ilipat ni Roman ang lahat ng gamit mula sa sasakyan papasok sa villa. Batid na pagod na pagod siya habang pinupunasan niya ang pawis niyang tumutulo mula sa noo niya. Dinig ang pagod niyang paghinga.
Dali dali niyang inayos ang sarili niya ng makita niya akong p
