Punong guro?
Nagtaka ako. Bakit ako gustong makita ng Head Teacher ng walang dahilan?
“Maaari ko po bang malaman kung bakit?”
“Hindi mo na kailangan pa malaman. Basta’t pumunta ka dito ngayon din.”
“Sige, pupunta ako pagkatapos ko kumain.”
“Hindi ka ba nakakaintindi ng Tagalog? Sabi ko pumunta ka na dito ngayon din.”
Hindi ko mapigilan na mapasimangot sa tono ng pananalita niya.
Pero, punong guro siya, kung kaya’t pumayag ako. “Sige po. Papunta na po ako.”
“Sino iyon?”
Nagtanong si Chris matapos mapansin na may kakaibang nangyari.
“Ang punong guro.”
“Siya? Anong kailangan niya sa iyo?”
“Hindi ko alam kung anong kailangan niya. Gusto na niya ako makita ngayon din mismo. Mauna na kayong kumain. Huwag na kayong magabala na ikuha ng pagkain.”
“Samahan na kaya kita? Nabalitaan ko n
