Sino ang may gawa nito?
Ang una kong naisip ay may nanloob sa bahay namin.
May susi naman si Montana kaya walang dahilan para sirain niya ang lock ng pinto.
Kinuha ko ang mop para gamitin bilang armas habang dahan dahan kong binuksan ang pinto.
Natulala ako sa nakita ko.
Ang ‘nanloob’ ay hindi umalis at ngayon nakaupo sa sofa at masayang nanunuod sa telebisyon. Puro balat ng mani at mga prutas ang sahig.
Hindi ko mapigilan na mapasimangot sa nakita ko.
Masyadong matapang ang nanloob na ito.
Nanloob siya at hindi umalis bagkus kumain pa dito at uminom. Sa tingin ba niya ay sarili niya itong bahay?
Hinigpitan ko ang kapit ko sa mop habang papalapit sa kanya.
Narinig ng nanloob ang paglalakad ko at nagsalita ng hindi man lang lumilingon. “So, you’re finally willing to come home? Ang
