الفصل الخامس

1079 Words

زمن القلوب الحقيرة علي البدر البارت الخامس .... .... دخل ابوي الغرفه واخذ وياه اختي نغم و كال لها اني اعلمج شلون تفتنين وتنوكلين اخبار ..... ..... اليوم الا ازينج صفر وانعل والديج يا جلبه يا بنت الجلب اخذها من يمنه لحد باب الغرفه يضرب بيها ويشتم بيها سافله ساقطه ....بت الحيوان انعل ابوج لابو العلمج تفتنين والسانج هذا اليوم اكصه واحطه بخبزة واشمر للجلاب وبعدين ضربها ضربها وكعها بداخل الغرفه و راها رجع اخذ مكينه مال حلاقه هاي الحديد اللي يتخله لها موس وطب بلغرفه وقفلها .... .... ويده يبسط بنغم بكل قوته رحنا نركض حتى نفتح باب الغرفه بس ما كدرنا لان قافله من جوه وما نسمع بس صياح نغم ابعالي صوتها عوفني لاتطكني انت مجرم مو ابو انت ادماعندم اي رحمه بكلبك.... وجان ابوي من يسمعها هيج تحجي يزيد الضرب عليها ..... ..... و جانت تتوسل و تبجي وتحرمص بابوي .... بس ابوي جان مايسمع الها ويسب بيها ويكلها خل تفيدج الكالات يالعوبه الا اخليج ضحكه للبنات يابت المطي... وره شوية طلعت نغم وجهها مورم وكله دم وشعرها ذاك الحلو النازل عله ظهرها كله شايله ابوي بالموس ومزينها صفر وطلعت تبجي وطبت للغرفه مالت امي رحنه وراها جانت تبجي وتصرخ باعله الصوت وتسب بابوي بعالي صوتها.... ليش هيج سوه بيه هذا الكلب ابن الكلب الله لايرحمك برحمته الله يعذبك بنار جهنم.... اني جنت اهدي بيها... عفيه نغم اسكتي والله اذا سمعج يجي يذبحج عفيه حبابه عوفيه ابجي عله راحتج بس لاتغلطين عليه .... وج حنين شوفي شسوه بيه ولج هذا مو ابو هذا كافر هذا مجرم ....الله لاينطيك دنيه واخره.... التفتت لامي وصاحت بيها..... انتي منين لكيتيه هذا ضاعت الزلم شلون عايشه وياه ....والله باجر الا اشتكي عليه بالفرقه الحزبيه ..... جانت يمنه عله طريق المدرسة فرقه حزبيه وهاي الفرقه دايما نغم من تروح للمدرسة تمر من يمها.... والله والله الا اشتكي عليه بالحزب واخليهم يشبعونه دك ....انه اكرها وماحبه والله.... جانت نغم متهسترة جدا ومنفعله لابعد الحدود والصار بيها مو قليل ولاتكدر بنت تتحمله بس شنسوي جنت اصببرها واكلها... اهدي يعيني والله هسه كم يوم وشعرج بعد يطلع احله واطول ... .انتي ماتشوفين ذني الشعرهن خشن يزينن كرعه وصفر حته يطلع سرح.... جنت احجي وياها وادري بحجيي لايقدم ولاياخر ...وحته هي كالت لي.... حنين هذا الحجي مايفيد ولايهديني وشعري مايحتاج ازينه هو سرح اصلا .....بس انه راح اعلمه باجر الا اجررجره بالمراكز.... جانت امي بس تبجي واخواتي كلهن خايفات وانه كاعده يم نغم اهدي بيها بهالاثناء مانسمع الا صفاء يصيح .... كالت امي ولجن اركضن لاخيجن.... اكيد رجله انلجمت ... ركضتله لكيته حاط ايده عله عينه ويصرخ.... وكالي.... حنونه فدوة جيبيلي المرايه .... ابوي زين حاجبي بالمكينه وعورني ....جيبي المراية خليني اشوفهة ..... .... انطيته المراية وره مارحت جبتها اله ركض وشفت حاجبه طاير كله وجارحه ابوي بس جرح مو قوي..... صاحت امي بعالي الصوت يمه صفاوي وحضنته وكالتله شلون زين حاجبك يمه... كالها يمه جنت نايم ماحس الا وابوي فوك بطني واديه جواي ويزين بحاجبي..... ويكلي اليوم اخليك مشوه ياعار ..... كل الصار من وره راسك ياكلب يابن الكلب.... ... .... ردت امي عليه وكالت له ...وين هوه .... اليوم اسويها صدك وياه.... واعلكها كالها صافي عوفيه يمه ولاتهتمين النه نغومه انطيها حجابج تلبسه وتضيع الكرعه وانه هسه ازين حاجبي الثاني وتنتهي المشكلة .... ..... وصدك اخذ المكينه وبده يزين حاجبه الثاني وزينه بالكامل وكال لامي..... شمايصير هذا ابونه مانستغني عنه .... ...... ...... مر علينه ذاك اليوم بصعوبه وجان كلشي صار بيه مايتصدك ولايعقله بشر ...المن تحجي والمن تسولف وحته لو سولفت ياهو راح يصدكك ...وين اكو اب يسوي هيج بعايلته وولده .... وين اكو اب يتلذذ بتعذيب ولده الطالعين من صلبه... مر ذاك اليوم واحنه لا اكل ولا شرب ونفسياتنه تعبانه ونغم بس تبجي ومقهورة ... شويه ناداني صافي... حنونه حبيبتي خل يصبونه عشه ... عرفت من صافي ماله نفس بالعشه ولايشتهي الزاد بس هو حنين ويحبنه كلنه ورادنه نجتمع عله سفرة العشه وكدر صافي يلمنه عالعشه وجان اذا يشوف وحده منه ماتاكل يكلها ازعل اذا متمدين ايدج عالاكل ... جان ابوي زعلان وماجه ويانه وبقه بالدوانيه كاعد .... ... ... يمه اطيني حجابج رايحه للمدرسه.... هايمه نغم ليش ماضليتي اليوم اطلبلج اجازة.... لا يمه انه رايحه هناك اغير جو احسن من جو البيت التعيس وماريد اشوف وجه ابوي لان كرهته.... هاج يمه الحجاب وخلي حنين تلفه الج.... اجتني نغم وطلبت مني الف الحجاب الها... بديت الف حجابها وكالتلي اسمعي حنين.... انه رايحه للفرقه اشتكي عليه وراح اخليهم يجرجرونه ويبهذلونة لان بهذلني بس ماراح اكون ضعيفه كدامه وراح ابقه قوية واعانده .... ظليت صافنه ومثل الفرحانه بداخلي بس جنت اكول... ماتسويها نغم من توصل للصدك تبوش لان تخاف من ابوي ومن تتذكر عمايله تخاف وتبدل رايها.... مرات ساعات وماكو اي شي ....رجع ابوي كالعاده من شغله.... جان ابوي يشتغل بمحل تصليح سيارات يطلع الصبح يرجع الظهر يتغده وينام ومرات يطلع العصر ... اجه كالعاده معصب لاسلام لاكلام وصاح عله امي تسويله وتحضرله الغدة.... جانت امي ماتحاجيه وزعلانه عليه بس هي تحبه لان تعرف كل اليسويه بسبب ضغط الشغل وضيم الجيش... حطت امي الغده كدامه بلاسلام ولاكلام هماتين وطلعت ... توه ابوي بده ياكل ندكت الباب بقوة ..... عاف الاكل وطلع فتح الباب... جانوا اعضاء الفرقه الحزبيه ووياهم شرطه وعدهم بلاغ القاء قبض عله ابوي بتهمة التعنيف الاسري.... جانت حالة ابوي متخربطه من شاف الشرطه وماصدك انو واحد من ولده يروح يشتكي عليه وبالفعل اخذوه الشرطه وصعدوه بالسيارة....وراحو بيه للمركز... .... .... اجت نغم وتاكدت من الشغله وانو ابوي اخذوه اجت النه وجنه كاعدين بغرفة امي وجان صفاء بحضن امي نايم وهي تبجي عله ابوي.... ... ... كالت لامي... تبجين عليه عليمن .... انه رحت واشتكيت عليه وطلعتلهم كرعتي وشوفتهم ضرباته وطكاته.... وكتلهم اذا ارجع للبيت والكاه الا احرك البيت كله باهله... ... ... شمسويتله انه يزين شعري حته مدرستي مارحتلها من وراه الله لاينطيه دنيه واخره..... وبدت تبجي وتنحب وبجيها يشك الكلب نصين... كام عمت عيني صافي وشبكها وكالها شوفي انتي حته وانتي كرعه تجننين وحلوة.... شوفيني انه شكلي بلاحواجب . ...... عمي انتي احله مني والله .... والحجاب مسويج عروسه تخبلين وحلوة ... عيني بارده عليج نغومتي الوردة.... جنت منتبهه لصافي طول حياته ويانه مايحب يزعلنه ولايرضه واحد يمسنه بحجايه وهو الوحيد الواجه طغيان ابوي وظلمه ودافع عنه وحمانه هواي مرات من عنده... ويامه ويامه نبسط بمجانه .... وكل هذا خله ابوي يكرهه ويحقد عليه ومايطيق وجوده.... عالع** من امي اللي تشم الهواء بروح صفاء وتفديه بعيونها وتعشقه مووووت وتحبه .... ... اكلك يمه ...صافي هايمه كولي يعين صافي ونضرها... يمه اليوم اذا ابوك ماطلع تروحله باجر وتطلعه .. صح ابوكم عصبي ويطك ويبسط ويعصب ويسب بس عيب يبقه بالسجن شتكول عليكم العالم .... ساجنين ابوهم وبعدين .ابوكم جبير ومايتحمل السجن ...لاتعوف ابوك وتبهذله تره والله باجر ولدك يعوفونك ....ويبهذلونك... بس يمه ابوي اذا طلع هالمره راح يذبحله واحد من عدنه راح يدك وينوح الايعرف ياهو الاشتكن عليه... كالتله امي...اذا طلع وحاجه واحد منكم انه راح اتدخل وامنعه ومستحيل اخليه يمد ايده عله واحد منكم بس روحله باجر للمركز.واتنازل ..... ...... وبعد الحاح من امي عله صفاء وافق يروح ويطلع ابويه بأي شكل من الاشكال لان هوه يحب امي وينفذلها اي طلب.... يتبع

Free reading for new users

Scan code to download app

App Store Google Play

Facebookexpand_more