Anya POV
"Sige na! Oo na! Tumahimik ka na." Inis na turan ng kaniyang Pappi habang naghahanda ito ng kanilang hapunan. Nang ilapag nito sa mesa ang kanilang ulam ay nakasimangot ito sabay irap sa kaniya.
Napapangiti si Anya sa sarili. Sa wakas ay napapayag na niya itong sa Mansion de Monterio muna siya pansamantala. Nang balingan niya ang kaniyang Pappi ay padabog pa itong naupo sa katapat niyang silya.
"Salamat po, Pappi. Uuwi din naman ako." Malumanay niyang sabi.
Nagsalin kaagad siya ng pagkain sa kaniyang plato at maganang kumain. Mabilis ang mga subo niya kaya hindi na niya namalayang nakatitig ng mariin ang kaniyang Pappi sa kaniya.
Napabuntong-hininga ito pagkatapos siyang pagmasdan.
"Marupok ka, Anya. Saan ka ba nagmana?" Tanging nasabi na lamang ng kaniyang Pappi.
Tum
