DAIG pa ni Enzo ang binuhusan ng tubig na may yelo dahil sa sinabi ni Elaine. Hindi siya nakaimik kaya sinundan na lang niya ng tingin ang papalayong dalaga. Gusto niya itong habulin at humingi ng sorry. Pero hindi niya maigalaw ang kanyang mga paa. Nanigas ito na parang yelo.
Ngayon lang naging mas malinaw sa kanya ang lahat. He still loved her.
Hindi ito nawala sa puso niya. Akala lang niya na nakalimutan ito ng kanyang puso noong naging sila ni Regine. Pero natabunan lang pala sa kailaliman at naghihintay na muling makalabas at maging malaya.
Hindi niya kayang mawala si Elaine. Kapag tuluyan itong nawala sa kanya, baka mabaliw siya. Kung naka-recover man siya sa pag-iwan ni Regine, malamang habambuhay siyang magdalamhati kapag gagawin din iyon ni Elaine sa kanya. Hindi niya iyon k
