عاد ادهم الى الفيلا وطلب من ابيه ان يتصل بياسين ويطلب منه ان يحضر ويقص عليه اخبار فايد ووافى ببرلين بحجة انه قلق مما حدث من جابر بالفرح وبالفعل اتصل هشام به .......بعد فتره قصيره جلس هشام وياسين بحديقة الفيلا
هشام / شوف يا بنى انا قلبى قلقان على الاولاد اه هما مسافرين بالخارج بس سمعت ادهم بيقول ان جابر مسافر برده تفتكر ممكن يكون سافر وراهم
ياسين / هو ادهم فين يا عمى
هشام اشار لشرفة حجرة ادهم/ فوق بيكلم حد فى التليقون ومش عايز يطمأنى
نظر ياسين فوجد ادهم بالفعل يقف بالشرفه ويتحدث بالهاتف فبدء يحكى لهشام جميع ما وصل له من سفر جابر وشاهنده وارسال اطفال فايد اللى اتاكد انهم بجد ولاده الى ان انتهى بما حدث لعطيل عندها شعر باحد ما يقف خلفه التفت ليجد ادهم
ياسين / انت هنا من امتى
ادهم / من اول ما جابر بعت شاهنده بالعيال يا ياسو هههههههههههه بس ما يخلصنيش زعلك تيجى اعزمك على الاكل وتسامح
