"Malalim yata iniisip ng mahal ko?"
Napalingon si Anastasia nang marinig ang tinig ni Warren. Nakatingin kasi siya sa labas ng bintana ng opisina nito. Nagmumuni-muni. Kakabalik niya lang mula sa restaurant kung saan niya nakita si Stephanie. Kahit na wala namang ginawa ay pakiramdam niya ay hapong-hapo siya. Siguro ay dahil na rin sa pagpipigil at pakikipagtalo sa demonyitang iyon.
Ngumiti lamang siya at niyakap ito. "Napapagod na si Baby Stacy mo, Doc Warren. Anong oras tayo uuwi?"
Nabahiran ng pag-aalala ang mukha nito. "Napapagod ka na? Gusto mo mauna ka na umuwi? I need to do one last set of rounds and then I'll come home. Stable naman na ang lagay ng anak ni Mr. Diamandis. I don't need to worry that much anymore."
"Hihintayin na lang kita, Warren," mahinang saad niya. "Mas gusto
