"ZOEY."
Tumingin si Zoey sa ka-trabaho niya sa hotel na si Nicole ng tawagin nito ang pangalan niya. Kababayan niya si Nicole at sila lang dawala ang Filipino sa hotel na pinagta-trabahuan.
"Bakit?" tanong niya dito ng magtama ang paningin nilang dalawa.
"Gusto mong sumama sa amin?" tanong nito sa kanya.
"Where?" tanong naman niya pabalik kay Nicole.
"Nagkayayaan kasi na pumunta sa Bar after work. Baka gusto mo sumama sa amin?" yaya nito sa kanya. "Sumama ka na para may kasama ako na Pinay," dagdag pa na wika ni Nicole sa kanya. Akmang bubuka ang bibig niya para sana tumanggi ng mapahinto siya ng muli itong nagsalita. "Please? Hindi naman tayo magtatagal do'n," pamimilit nito sa kanya. "Matagal-tagal na din naman simula noong lumabas tayo lahat. Kaya sumama ka na," dagdag pa nito
