NAGPAKAWALA ng malalim na buntong-hininga si Zoey ng makababa siya ng Taxi na sinakyan papunta sa Galvez Empire na pag-aari mismo ng asawa. Nang malaman niyang gusto nitong makipaghiwalay sa kanya ay agad-agad siyang nagpa-book ng flight papunta sa Pilipinas. Pero siyempre, nagpa-check up pa siya sa doctor kung pwede ba siyang bumiyahe ng malayo. Ayaw naman niyang i-risk ang baby niya kung sakali. At no'ng sabihin ng doctor na pwede ay itinuloy niya ang pagpunta sa Pilipinas.
Gusto kasi ni Zoey na makausap si Greyson ng personal tungkol sa gusto nitong pakikipaghiwalay sa kanya. Gusto niya itong tanungin kung seryoso ba ito o hindi sa sinabi nito. Noong subukan kasi niyang tawagan ito pagkatapos niyang mabasa ang message na ipinadala nito sa kanya ay hindi nito sinasagot ang tawag niya.
